Sonur minn Kærleiksblómið er hættur í skóla (enda er aðalmarkmið grunnskólans að kvelja hann persónulega með ýmsum tilgangslausum námsgreinum sem hvorki tengjast landbúnaði né tónlist) og búinn að fá sér vinnu. Hann svarar í símann hjá vinalínunni.

Sonur minn Kærleiksblómið stendur sig greinilega mjög vel í því að hugga sorgmædda og hrjáða því þeir sem hringja í hann einu sinni þurfa aldrei á því að halda aftur. Kannski hefur það líka eitthvað að segja að hann notar ákveðna formúlu sem hann spinnur samtölin út frá og hún hefur gefist mjög vel. Formúlan er á þessa leið.

-Rhrmmm.
-Jú, hrrmm, þetta ER vinalínan, hvert hélstu eiginlega að þú værir að hringja? (Hálfviti).
-Einelti. Nú hvernig þá?
-Nú er það nokkuð einelti, er það ekki bara alveg satt, ertu ekki forljótur og með útstæð eyru skögultennur og bólur á rassinum?
-Nei ég SÉ það náttúrulega ekki fíflið þitt en ég heyri allavega að þú ert nautheimskur vælukjói, ekkert skrýtið að þú sért lagður í einelti. Djöfull skal ég líka veðja að ert einn af þessu lúserum sem fylgjast með IDOL.
-Ráðleggja þér? Hvað heldurðu að þetta sé, einhver ráðgjafarstofa eða hvað. Nei litli busi, ég ráðlegg þér ekki að klaga í mömmu, mömmur eru í eðli sínu vondar. Það er bara eitt sem ég get ráðlagt þér auminginn þinn. Þú ættir að verða þér í úti um haglabyssu og finna þér einhvern fallegan stað og skjóta af þér flösuhausinn.
-Nú, segir amma þín að þeir sem stúta sér fari til Helvítis? Þá held ég að þú ættir að drífa í þessu sem fyrst því annars sendi ég hana móður mína til þín og þá fyrst kemst þú að því hvað helvíti er. Hún kann sko að leggja fólk í einelti. Ég skal bara segja þér það landeyðan þín að í síðustu viku þurfti ég bæði að taka til í herberginu mínu og fara út með ruslið og einu sinni var ég neyddur til að fara í bað 4 sinnum í sömu vikunni. Og ekki grenja ég. Ég bara neita að borða morgunmat og skelli hurðum.
-Nei það virkar örugglega ekki hjá þér en ég er heldur ekki nógu mikill aumingi til að hringja vælandi í vinalínuna. Þú hefur ekkert götts til að skella hurðum og urra svo þú ættir frekar að skjóta þig og hættu svo að bögga mig með þessum heimskulegu símtölum. (Bjáni)