Bandarísk stjórnvöld skella skuldinni á þolendur

Segir Palestínu hafna friðarumleitunum

Þessir níðingar hafa hrakið milljónir manns á flótta og haldið öðrum milljónum í heljargreipum í nærfellt 70 ár. Þeir byggja heilu þorpin inni á land Palestínu í trássi við alþjóðalög, hrekja fólk út af heimilum sínum og yfirtaka íbúðarhúsnæði og fyrirtæki. hindra ferðir fólks daglega, hindra aðgang að vatni, lyfjum og öðrum nauðsynjum, reisa kolólöglegan aðskilnaðarmúr, fremja handahófskenndar húsleitir, handtaka fólk að geðþótta hermanna og halda fólki í fangelsi árum saman án þess að upplýsa það um sakarefnið, pynta fanga, halda hlífiskildi yfir landræningjum sem fremja glæpi gagnvart Palestínumönnum, brjóta gagnvart hverju einasta ákvæði mannréttindasáttmála sem þeir hafa sjálfir samþykkt. Saka svo Palestínumenn um skort á sáttavilja þegar þeir kyngja því ekki bara að þeir sölsi alla Jerúsalem undir sig líka. Hvað kallar maður valdhafa sem eru sannfærðir um að þeir hafi umboð frá almættinu til að hegða sér svona? Og hvað kallar maður Bandaríkjamenn sem styðja þá í þessu öllu og taka heilshugar undir þá skoðun að Palestínumenn eigi bara kyngja þessu?

Fangafrelsun en samt áframhaldandi landrán

Þeir réttlæta eitt mannréttindabrot með því að láta af öðru. Það er út þessu sem er engin leið til að koma á friði á svæðinu nema sú að leggja Ísraelsríki niður.

Posted by Eva Hauksdottir on 26. desember 2013

Ísrael sniðgengur mannréttindaráðið

Ég sé enga von til þess að verði nokkurntíma hægt að fá stjórnvöld í Ísrael til að virða mannréttindi. Ég held að eina leiðin til að koma á friði í Palestínu sé sú að leysa Ísraelsríki upp.

Posted by Eva Hauksdottir on 29. janúar 2013

Hvaða lausn sérð þú?

Allt stefnir í að Ísraelsmenn sölsi undir sig það litla sem eftir er af Palestínu og drepi réttmæta eigendur landins eða stökkvi þeim á flótta. Engin friðsamleg lausn er í sjónmáli. Ísraelsmenn hafa engan áhuga á tveggja ríkja lausn og það að Hamas skuli njóta stuðnings stafar sannarlega ekki af því að trúarofstæki þeirra og mannréttindabrot gagnvart eigin fólki þyki svo frábær, heldur af því að þeir hafa staðið fast á því að gefa ekki eftir. Í Palestínu ríkir sennilega mjög lítill áhugi á tveggja ríkja lausn þótt það yrði nógu mikil bót til þess að hún yrði samþykkt ef Ísraelar hefðu áhuga á því. Halda áfram að lesa

Hvað er þjóðarmorð?

Í umræðunni um ástandið í Palestínu hefur heyrst það sjónarmið að rangt sé að tala um meðferð Ísraela á Palestínumönnum sem þjóðarmorð. Með því sé verið að gengisfella hugtakið. Við skulum skoða réttmæti þess að nota orðið þjóðarmorð, með því að bera ástandið í Palestínu saman við skilgreiningu Sameinuðu þjóðanna á þjóðarmorði. Halda áfram að lesa

Framtak Össurar og súru berin hans Bússa

Enginn íslenskur ráðherra hefur tekið jafn afdráttarlausa afstöðu með mannréttindum og Össur Skarphéðinsson. Ef þingmenn Hreyfingarinnar eru frátaldir, hefur sennilega enginn þingmaður Íslandssögunnar staðið sig jafn vel í mannréttindamálum og hann. Tilvitnun hans í Reagan á Allsherjarþingi Sameinuðu þjóðanna var flott útspil og varla hægt að hugsa sér beittari niðurlægingu fyrir Netanyahu en að vera settur á bás með gömlu Sovétríkjunum, og því áhrifameira að það skuli gert með orðum fyrrum Bandaríkjaforseta. Líkingin liggur þó í augum uppi því Berlínarmúrinn var í hugum minnar kynslóðar tákn aðskilnaðar og kúgunar og var hann þó töluvert minni en aðskilnaðarmúr Ísraelsmanna. Halda áfram að lesa