Hversvegna má ekki spyrja hvað varð um líkin?

Barin Kobani 
Mynd: The Peninsula @PeninsulaQatar Twitter

Þann 1. febrúar sl. birti Twitternotandi óhugnanlegt myndband af líki 23ja ára kúrdískrar konu, Barin Kobani, sem barðist með hersveitum Kúrda í Afrín. Á myndbandinu sjást hermenn spjalla glaðlega saman og hlæja við. Líkið liggur í götunni, það vantar á það handlegg. Buxurnar hafa verið dregnar niður um stúlkuna svo kynfærin blasa við. Treyjan dregin upp. Samt sjáum við ekki brjóst því bæði brjóstin hafa verið skorin af henni og bútur hefur einnig verið skorinn úr kviði hennar. Hermaður sést traðka á líkinu. Það eru væntanlega FSA liðar sem sjást á myndskeiðinu en þeir voru ásamt liðsmönnum islamska ríkisins á svæðinu í umboði Tyrkja, sem bera ábyrgð á innrásinni og þeim stríðsglæpum sem framdir hafa verið í tengslum við hana.

Sama dag og myndbandið birtist kom Haukur sonur minn til Afrín. Hann var þar í einhvern tíma en skilaði sér ekki eftir aðgerð. Það er nokkuð á reiki hvenær það á að hafa gerst en öllum heimildum ber saman um staðinn. Um er að hæðir milli tveggja þorpa, Badina og Demilya. Þar virðist aðeins vera ein bygging og þetta er lítið svæði sem sprengjum var varpað á í febrúar, aðeins 3-4 ferkílómetrar. Frá 24. febrúar hafa Tyrkir farið með yfirráð á þessu svæði. Fyrst FSA og liðsmenn islamska ríkisins í umboði Tyrkja en síðar Tyrkir sjálfir.

Það er aðeins hálftíma gangur milli þorpanna Badina og Demilya. Varla eru lík látin liggja á víðavangi vikum saman í næsta nágrenni við mannabyggð og ekki var þeim skilað til Kúrda. Þarna eru ekki umfangsmiklar rústir sem seinlegt og hættulegt er að leita í. Sennilegast hafa líkin verið hirt og grafin fyrir löngu. Ef er til gröf, þá er hægt að opna hana og sækja lífsýni en hvar er gröfin? Af hverju í ósköpunum er ekki hægt að spyrja Tyrki hreint út hvað var gert við líkin?

Jú, það er vegna þess að tyekneska lögreglan hefur ráðlagt íslenskum stjórnvöldum að vera ekkert að angra tyrknesk yfirvöld, heldur afla upplýsinga eftir „diplómatískum kanölum“. Kannski finnst tyrknesku lögreglunni líklegt að hermálayfirvöld og utanríkisráðherra hafi lítíinn áhuga á því að fjöldagrafir verði opnaðar. Kannski kæmu þá fram sannanir um fleiri stríðsglæpi á borð við þann sem framinn var gagnvart Barin Kobani.

Nú hafa 400 manns skorað á forsætisráðherra að beita sér í máli Hauks. Fyrir utan þau atriði sem talin eru upp í þessu bréfi væri eðlilegt að spyrja:

Hvar eru lík þeirra sem drepnir voru af hersveitum Tyrkja og bandamanna þeirra í FSA og Daesh á svæðinu milli Badina og Demilya í febrúar 2018?

 

Almenningur hefur áhrif

Ein af fjölmörgum árásum Tyrkja á Afrín. Myndin er héðan.

Macron Frakklandsforseti hefur boðið fram aðstoð sína við sáttamiðlun milli Tyrkja og Kúrda. Samkvæmt fréttastofu Reuters eru þetta viðbrögð hans við þrýstingi heima fyrir. Þrýstingur þarf ekki bara að koma frá stjórnmálamönnum og mannréttindahreyingum, það skiptir líka máli að hinn almenni borgari komi skoðunum sínum á framfæri við stjórnvöld. Halda áfram að lesa

Vg hljóta að gera sjálf það sem þau ætlast til af öðrum

Þessi mynd hefur birst á ótal vefsíðum, ég hef ekki hugmynd um hver rétthafinn er

Ég býst við að flestum finnist þetta orðið þreytt umræðuefni en ég reikna með að vera  með innrásina í Afrín á sálinni þar til íslensk stjórnvöld sjá sóma sinn í því að fordæma hana og ofsóknir gegn Kúrdum yfirleitt. Halda áfram að lesa