Bráðum sjáum við hið svokallaða lýðræði í framkvæmd. Við fáum að skrifa x til að hafa áhrif á það hverjir komast næst í kjöraðstöðu til að bulla, ljúga, svíkja, svindla og stela.
Þeir sem eru búnir að fá nóg af flokkakerfinu hafa um tvennt að velja; að mæta ekki eða skila auðum eða ógildum kjörseðli. Reyndar hefur það ekki áhrif á niðurstöður kosninga að skila auðu eða ógildu. Ef væri t.d. möguleiki á auðum þingmansstól út á það væri hugsanlega hægt að sætta sig við þetta en því miður, áhrif þeirra sem ekki styðja flokkakerfið eru ENGIN. Þetta ófullkomna lýðræði sem við búum við er þannig ekki ætlað þeim sem vilja ekki neinn af þeim sem eru í framboði á þing, hvað þá þeim sem ekki gútera þetta stjórnskipulag.
Þeir sem sjá ekki réttlæti í þessu fyrirkomulagi ætla að taka sig saman um að mæta á kjörstað og halda uppi atkvæðaþófi. Hanga í kjörklefanum eins lengi og þeir komast upp með. Ef mönnum leiðist vistin í klefanum má stytta sér stundir með því að fróa sér. Það yrði aukinheldur táknræn aðgerð þar sem kosningar við þessar aðstæður eru ekkert annað en pólitískt runk.
Þeir sem vilja ganga lengra taka við sínum kjörseðli en skila honum ekki. Við getum stungið kjörseðlinum í vasann og farið með hann heim og skeint okkur á honum, brennt hann eða hengt hann á ísskápinn til að minna okkur á hvernig lýðræðið virkar í raun, eða selt hann einhverjum sem á eftir að fara inn í klefann.
Við getum líka étið kjörseðlana eða allavega sagst hafa gert það. Ennfremur má troða kjörseðlinum upp í félagsheimilið á sér. Hvorttveggja mjög táknrænt. Í versta falli verður sérsveitin send á staðinn og látin strippa þá sem skila ekki seðlinum. Þeir fara varla að dæla upp úr okkur.
Þetta er þitt atkvæði. Þú ræður hvað þú gerir við það. Ef þú fílar ekki þessa fokkans gerð af lýðræði gerðu þá eitthvað róttækara en að sitja heima til að lýsa óánægju þinni.
————————————
Ertu alveg búinn að missa góruna? Þetta er ólíðandi dónaskapur og frekja gagnvart þeim öðrum sem hyggjast neyta síns atkvæðisréttar. Hvað hefur almenningur gert þér? Ég bara geri þá kröfu að mega kjósa það sem ég tel skást í boði án þess að þurfa að hangsa klukkutímum saman meðan þið runkið ykkur í kjörklefunum! Þið getið bara skrópað og runkað ykkur heima – eða á austurvelli mín vegna.
Posted by: Jón Kjartan Ingólfsson | 15.04.2009 | 22:23:36
————————————
Það er ólíðandi dónaskapur gegn lýðræðinu að bjóða fólki sem ekki vill neinn þeirra kosta sem eru í boði upp á það að geta engin áhrif haft á niðurstöðu kosninga. Þeirri óvífni verður svarað af öllum þeim dónaskap sem nauðsynlegt er til að binda enda á þann skrípaleik sem kosningar eru orðnar.
Posted by: Eva | 15.04.2009 | 23:42:00
————————————
En við hin sem ætlum að kjósa illskásta kostinn (hver sem okkur finnst hann vera) – hví verðum við fórnarlömb þessara mótmæla? Við erum ekki aðilar að deilu ykkar við …. tjah við hvern? Ástandið – OK, það held ég að sé skást. En smá trikk – kjóstu O listann. Hann er með stjórnlagaþing og niðurfellingu 5% reglunnar m.a. á sinni stefnuskrá, eitthvað sem ætti að mjaka kerfinu nær þínum hugmyndum. Þú finnum aldrei framboð sem uppfyllir allar þínar vonir – maður velur bara illskársta kostinn. Hverju heldurðu að þið breytið meiru og betur með því að skeina ykkur á kjörseðlum? Það breytir nákvæmlega ENGU. En ég minni samt á nokkuð sem ég sá í kommenti hér frá fyrrum starfsmanni kjörstjórnar, þú átt vissulega atkvæðið og mátt fara með það eins og þú vilt. Kjörseðilinn átti hins vegar ekki. Mikilvægur bitamunur. En anyway – ég hef fundið leið framhjá bullinu í ykkur – ég kýs bara utankjörfundar og verð löngu búinn og farinn þegar þið farið að haga ykkur eins og vitleysingar á kjörstað!
Posted by: Jón Kjartan Ingólfsson | 16.04.2009 | 0:49:13
————————————
Tjásur af moggabloggi
Þetta er mikil speki! Minnir reyndar á það sem sagan segir okkur frá kreppunni miklu. Þá var þetta viðhorf til lýðræðis mjög uppi í Evrópu og einræðisstjórnir komust víða til valda og réðu loks allri álfunni utan Svíþjóðar, Sviss, Bretlands og Íslands. Ég held að leið lýðræðisins sé þrátt fyrir allt betri!
Skúli (IP-tala skráð) 16.4.2009 kl. 10:45
————————————
Ég mæti allaveganna með dildóinn minn á kjörstað
Alexandra (IP-tala skráð) 16.4.2009 kl. 14:09
————————————
Ég er mikið að spá í að snýta mér í minn og skila honum!
Sigurjón, 16.4.2009 kl. 20:23
————————————
félagsheimilið
Brjánn Guðjónsson, 18.4.2009 kl. 15:16
————————————
Miðað við atgang stjórnmálamanna, embættismanna og auðmanna í rassgötum landsmanna á síðustu árum, held ég þeir séu fáir sem teljast ekki með réttu hafa haldið úti félagsheimili í endagörninni á sér.
Eva Hauksdóttir, 18.4.2009 kl. 15:39
————————————
Ég hef reyndar ákveðið að kjósa Borgarahreyfinguna. Það er alveg þess virði að gefa henni tækifæri…
Sigurjón, 18.4.2009 kl. 16:01
————————————
Þá vitum við hvar þitt félagsheimili er
Ég er farinn að hreinsa út úr félagsheimilinu………………..mínu, aðrir sjá um sín (vonandi)
áfram X O
Sverrir Einarsson, 20.4.2009 kl. 10:55