 |
Fráleitt ólögmæt handtaka |
Nei þetta var ekki lögmæt handtaka. Það er heimild fyrir því í lögum að handtaka fólk ef það hefur ekki sinnt boðun í afplánun. Hann SINNTI þeirri boðun árið 2007 en var hent út á 5. degi. Það er ekkert í lögum sem heimilar að fólk sem þegar hefur hafið afplánun sé hirt upp fyrirvaralaust. Hann hefur enga boðun fengið út af þessu máli síðan. Lögreglan veit mæta vel hvar hann er að finna og hvernig er hægt að koma til hans boðum og þeir hafa ekki verið í neinum vandræðum með það hingað til. Fullyrðingar um að hann hafi verið eftirlýstur og því hefði hann verið handtekinn hvar sem til hans bæðist eru út í hött. Hann hefði þá verið handtekinn fyrr, nema þessi eftirlýsing hafi einmitt verið gefin út daginn fyrir stóran mótmælafund en það væri merkileg tilviljun.
Lögum samkvæmt má líka handtaka fólk og stinga því inn ef það brýtur aftur af sér áður en afplánun hefst. Þeim lögum er ætlað að hindra að hættulegt fólk gangi laust. Þessu lagaákvæði er t.d. beitt gagnvart mönnum eins og Steingrími Njálssyni. Það er hrein og klár misbeiting á lögunum að bera þetta ákvæði fyrir sig, auk þess sem afplánun hafði þegar hafist en var rofin af frumkvæði og skipan fangelsisyfirvalda -og í óþökk Hauks sem hafði fengið sig lausan úr vinnu til að taka dóminn út í einu lagi.
Það segir sig sjálft að ef þessar aðfarir standast lög, þá væri fangelsisyfirvöldum stætt á því að eyðileggja líf fólks sem hefur fengið á sig smádóma. Þannig væri t.d. hægt að nota 18 daga fangelsisdóm þannig að maður væri handtekinn um hádegi á mánudag, hleypt út um hádegi á þriðjudag, handtekinn fyrirvaralaust 3 vikum síðar og látinn sitja inni í 1-2 daga, hent þá út aftur, hirtur upp án viðvörunar hálfum mánuði síðar… Dettur einhverjum heilvita manni í hug að þessum lagaheimilidum sé ætlað að bjóða upp á þess háttar meðferð?
————————————————————
Þetta er yfirklór Stefáns Eiríkssonar, enda eru þeir Björn Die Hard svipaðar týpur.Sævarinn, 23.11.2008 kl. 14:41
—————————————————-
Ég hef nú tilhneigingu til að trúa yfirvöldum frekar en ykkur Saving Iceland fólkinu…. af gefnu tilefni.Gunnar Th. Gunnarsson, 23.11.2008 kl. 14:54
—————————————————-
Enda sýnir það bara þinn persónuleika í hnotskurn Gunnar Th. Gunnarsson haltu áfram að kóga með yfirvöldum á meðan þú getur og svo geturu fengið Astroglide mjög ódýrt, tja nema þú viljir það ósmurt …Sævarinn, 23.11.2008 kl. 15:00—————————————————-
„Fangelsismálastofnun og Innheimtumiðstöð sekta- og sakakostnaðar skrá inn þessa handtökubeiðni og eftirlýsingu í lögreglukerfið og þá liggur væntanlega fyrir hjá þeim að öllum lögmætum frestum og þeim skilyrðum sem sett eru fyrir boðun í afplánun hafi verið fylgt,“ segir Stefán“ . (Eiríksson)
Gunnar Th. Gunnarsson, 23.11.2008 kl. 15:07
—————————————————-
Jújú, það hlýtur þá að liggja fyrir. Mér þætti fróðlegt að sjá þær upplýsingar og fá skýringu á því hversvegna ekkert bréf hefur borist.
Eva Hauksdóttir, 23.11.2008 kl. 15:31
—————————————————-
„Heimilt er að láta dómþola hefja afplánun án boðunar eða áður en afplánun á að hefjast samkvæmt boðun fremji hann refsiverðan verknað á ný, hætta er talin á að hann reyni að koma sér undan refsingu eða almannahagsmunir mæla með því.“
Auk þess segir lögreglan að hann hafi ekki sinnt sektarboði. Hvort er nú líklegra, að lögreglan og dómskerfið sé í prívat herför gagnvart einum krakka, eða að krakkinn, sem hefur brotið af sér áður, segi kannski ekki satt?
Anna (IP-tala skráð) 23.11.2008 kl. 16:16
—————————————————-
Gunnar: „Ég hef nú tilhneigingu til að trúa yfirvöldum frekar en ykkur Saving Iceland fólkinu…. af gefnu tilefni.“
Trúa hverju? Eva er bara að vitna í málið eins og yfirvöld hafa lýst því.
Annar væri gaman að fá málefnalegt álit þitt á seinustu málsgrein bloggsins. Hvort að þú teljir að þetta sé eðlileg og lögleg valdbeiting?
Karma, 23.11.2008 kl. 16:31
—————————————————-
Málið er nú ljóst. Lögreglan gerði ekki mistök og ég bloggaði um það.
Gunnar Th. Gunnarsson, 23.11.2008 kl. 19:06
—————————————————-
hehe… það er betra að viðurkenna á sig mistök en að viðurkenna gróft brot á einum borgara.
Heiða B. Heiðars, 23.11.2008 kl. 19:07
—————————————————-
Það er ljóst að brotið var gróflega á Hauki. Ég mæli með að hann fari í skaðabótamál.
Gunnar Th. Gunnarsson, 23.11.2008 kl. 19:16
—————————————————-
Lögreglan er nú reyndar búin að gefa það út að hann hafi verið handtekinn fyrir mistök einhvers starfsmanns hjá innheimtumiðstöðinni. Fyrst löggan viðurkennir að þetta hafi verið óréttmætt þá held ég að við þurfum ekki að deila um það lengur.
Eva Hauksdóttir, 23.11.2008 kl. 23:28
—————————————————-
Það var ekki lögreglan sem gerði mistök Skorrdal, heldur innheimtustofan. En Haukur á hiklaust að fara í skaðabótamál. Það þarf að fækka býantanögurum hjá ríkisstofnunum.Gunnar Th. Gunnarsson, 24.11.2008 kl. 18:23—————————————————-
Komdu sæl Eva!
Mér þótti strax þessi handtaka á syni þínum óeðlileg og tímasetningin auk þess grunsamleg. ER ég heyrði svo í hinum virta lögspekingi og ágæta manni Ragnari Aðalsteinssyni, þá taldi ég mig ekki heldur þurfa fleiri vitnanna við. En í ljósi alls sem gerðist bæði við Hlemm og svo frásagnir af mjög ótrúlegum aðdraganda að handtöku sonar þíns, hafa ekki fleiri gert mistök en lögreglan og yfirvöld?
Magnús Geir Guðmundsson, 24.11.2008 kl. 18:36
—————————————————-
Ragnar Aðalsteinsson er ekki virtur lögspekingur, nema meðal vinstrimanna.
Gunnar Th. Gunnarsson, 24.11.2008 kl. 19:22
—————————————————-
Nei ekki það? Hann er nú reyndar hæstaréttarlögmaður. Áttu kannski við að í þessu bananalýðveldi sé nóg að njóta virðingar vinstri manna til að komast í slíkt embætti?
Eva Hauksdóttir, 24.11.2008 kl. 23:39
—————————————————-
Nei, en þrátt fyrir að hann njóti sérstakrar velvildar vinstrimanna, sem hlýtur að segja ýmislegt um manninn, þá hefur það ekki háð honum á framabrautinni. Það hlýtur að sanna að þjóðfélagið er ekki í heljargreipum hinnar svokölluðu „bláu handar“. Er það ekki?
Gunnar Th. Gunnarsson, 25.11.2008 kl. 00:11