Greinasafn fyrir flokkinn: Ýmis samfélagsmál

Enn ein gervirannsóknin

Birt þann af

Eru ENGIN takmörk fyrir því hverskonar þvælu menn leyfa sér að fara með fyrir Alþingi? Hér er bent á skólaverkefni sem á ekkert skylt við vísindi og það er bara lítill hluti af því rakalausa bulli sem kemur fram í þessu erindi.

Það má vel vera að það sé vond hugmynd að selja áfengi í matvörubúðum en það sem kemur fram þarna eru bara ekki góð rök fyrir því og sumt af þessu er helbert þvaður. Það er t.d. bull að kalla hugrenningar 3ja bindindismanna „rannsókn“ og ætla að draga af því einhverjar almennar ályktanir um hvað muni gerast. Það er í mesta lagi hægt að draga ályktanir um viðhorf þriggja tiltekinna einstaklinga af þessu verkefni.

Sökudólgarnir í lekamálinu

Birt þann af

Já, þeir eru margir sökudólgarnir í þessu máli. Hælisleitendurnir, DV, Rauði krossinn, No Borders, Virkir í athugasemdum, Gísli Freyr, Jón Steinar … Allir nema ráðherra.

Aðallega er það nú samt JSG sem ber ábyrgð á þessu enda átti hann að hafa rænu á því að grípa fram fyrir hendur HBK. Enda er hún bara lítil kona og ekki við öðru að búast en að hún hlýði vondum ráðum karla.

Elsa vann

Birt þann af

Það er náttúrulega þetta raunsæislega útlit Elsu sem slær í gegn. Fólk er loksins búið að fatta að Barbí er ekki eins og alvöru kona. Hvern hefði grunað að menn ættu eftir að átta sig á því? Elsa lítur hinsvegar út eins og alvöru stúlka. Augun miklu stærri en brjóstin. Engin hætta á að karlar líti hana girndaraugum.

Dan

Birt þann af

Mannanafnanefnd er tímaskekkja.

Í minni fjölskyldu eru bæði stúlkum og drengjum gefið nafnið Dan. En af því að fólk sem heitir ekki Dan, á ekki börn sem heita Dan og þekkir engan sem heitir Dan, hefur ákveðið að Dan sé karlmannsnafn þarf að fara krókaleið í hvert sinn sem stúlku er gefið þetta nafn.

Kristni í skólum enn eina ferðina

Birt þann af

Á ögurstundum í lífi þjóðar getur varla verið forgangsmál að forða börnum frá boðskap um rökhyggju og réttlæti. Þessvegna ættum við að fá Matthías Ásgeirsson til að fara í barnaskóla og segja börnunum frá hugmyndum Richards um Gvuð. Er það ekki Hanna Birna?

Nú, er það annað? Gott og vel Hanna Birna. Semjum. Þú mátt hleypa kirkjunni inn í skólana til að fara með faðirvorið og syngja sálma ef ég má koma og fara með gullkorn úr anarkistunni minni og fá anarkistakórinn til að syngja „kók er kúkur kapítalsins“.

Kannski ætti hinn kristilegi innanríkisráðherra landsins að kenna Útlendingastofnun að gæta sinna minnstu bræðra og koma á kærleika, umburðarlyndi og öðrum „kristilegum gildum“ innan síns eigin valdsviðs fremur en að reka áróður fyrir trúboði í skólum.