Categories: Íslenskt mál

Þrisvar sinnum Y

Y er fegurstur bókstafa. Þau orð hljóta því að vera óvenju fögur sem geyma óvenju mörg y. Ég bað fésverja um tillögur að íslenskum orðum þar sem þrjú y koma fyrir. Þurfa ekki endilega að vera í orðabók en þurfa að hljóma nógu eðlilega til þess að geta verið nothæf.

Þetta er útkoman:

Fyllibyttufyndni
Fyllibyttulykt
Fyllibyttumynd
Fyrirhyggjuleysi
Fyrirmyndarbyggð
Fyrirmyndarfjölskylda
Frystigeymslulykill
Kyngervisfyrirmynd
Kynjafyrirmyndir
Lyfleysueyðing
Myndasyrpukynning
Syndayfirhylming
Skynbreytingarlyf
Skyndikynnaleysi
Skyndikynnasyndir
Yfirþyngdarlyftingar
Yngismeyjafnykur
Yngismeyjaryndi
Þyngdarleysisfyrirbæri

Vafasöm en gætu samt kannski gengið í skrafli á þriðja bjór:

Byggingarmyndakynning
Byssuskyttumynd
Fyllibytturykti
Leyndarhyggjuhygli
Leyndarhyggjufylgni
Skyndikynnafnykur
Skyrmysubytta
Yfirbyggingarfyrirbæri
Yfirheyrslusyrpa
Yfirfyllibytta
Ylyrðisyndi
Yngismeyjamyndir
Yngismeyjayfirsjónir

Leikurinn varð hagyrðinum innblástur:

Þessu tengt:

Þrefaldur og ypsilon

Orð með þreföldum samhljóða og ypsiloni. Bygggarðar Bygggrautur Djammmyndir Fyrrrakinn Gulllykill Hrygggigt Illleysanlegt Krydddropar Krydddrykkur

Tvöfaldur og tvítekinn

Þvottapottur, innivinna, happatappi, rottuskott, kakkalakki, Ég fann Fésbókarfærslu frá 2013 þar sem ég hafði beðið Fésverja að hjálpa mér að finna eða búa til fleiri orð af þessu tagi, þ.e. sett saman úr tveimur orðum með sömu samstöfunni af einum sérhljóða og tvöföldum samhljóða. […]

Eva Hauksdóttir