Þjóðleikhúsið er bygging. Falleg bygging sem hýsir dásamlega menningarstarfsemi og er sjálfsagt að sýna virðingu og veita gott viðhald. Samt er það BARA bygging. Þótt það yrði málað með bónussgríssbleiku vélalakki eða klætt utan með svínshræjum, væri það ekki óafturkræf aðgerð.
Það er til yfirdrifið nóg af smekklegu klæðningarefni og engin ástæða til að ræna heilum 50 tonnum hrafntinnu af friðlýstu svæði, nema ef skyldi vera snobb og hroki.
„Okkars vildum ekki að hafa Gvuð sem neitar að taka við ungbörnum“ sagði Páfagarður, en ekki kemur fram í Mogganum hvort limbói verður áfram haldið úti fyrir fullorðna.
Kaþólskir ætla semsagt að hafna hugmyndinni um að sálir óskírða barna lendi í limbóinu. Ekki af því að Gvuð hafi stigið niður og sagt þeim að hætta að fylla höfuð heimskingja af þessari grimmdarlegu þvælu heldur af því að hugmyndin nýtur ekki vinsælda.
Trúarkenningar krisindómsins byggjast nebblega ekki á orðum Gvuðs heldur hentistefnu kirkjunnar hverju sinni. Eins og allir sem hafa greindarvísitölu yfir frostmarki hljóta að sjá.
Í dag er gleðidagur. Það hefði verið gaman að reka flóttann en það var enginn flótti sem við getum verið stolt af heldur þurfti herinn nánast að flýja undan íslenskum grenjuskjóðum sem vældu og stöppuðu til að reyna halda honum hér. Samt er þetta góður dagur og í tilefni af því braust ég inn á svæði fjarskiptastöðvarinnar í Grindavík og veifaði fána.
Fyrst merkti ég mér samt á fyrrum yfirráðasvæði Bandaríkjamanna með sömu aðferð og önnur dýr, ég meig á það.
Auðvitað dettur engum í hug í alvöru að það skipti einhverju máli hvor Usama bin Laden er á lífi eður ei.
Stóri bróðir veit að mesta blessun stórveldis er sameiginlegur óvinur en óvinurinn er ekki lengur skeggjaði karlinn með handklæðið á hausnum, heldur arabaheimurinn eins og hann leggur sig. Samt snýst allt um Usama. Hann er nefnilega tákn og allir í heiminum, múgmennið, ofurmennið og allir þar á milli eru misákafir táknatottarar.
Póstmódernisminn blífur.
Bíddu, var hann ekki búinn að biðjast forláts? Ætlast þeir kannski til að hann leggist á hnén fyrir framan hvern og einn og biðji hann persónulega afsökunar eða hvern fjandann vilja þeir eiginlega?
Mér finnst páfagarmurinn hafa farið afar óskynsamlega að rðaði sínu en það er ekki eins og þessir öfgamenn stigi í vitið heldur.
…og til þess að byggja upp og móta eigin framtíð í skjóli hins hörmulega verknaðar“
Ég vona að verði langt þar til máltilfinning þess sem skrifaði þennan texta verður slegin út innan dómskerfisins.
Ætli faðirinn hafi ekkert verið kærður fyrir uppeldisafglöp?
Flestir vestrænir fréttaskýrendur telja að muslimar hafi mistúlkað orð páfa.
Páfi ætlaði víst alls ekkert að gera lítið úr islam. Hann vitnaði bara í miðaldagaur sem sagði að Múmhammeð hefði ekki fært heiminum neitt nema illsku. Nei ég skil bara ekkert í því, svona ef maður skoðar samskipti arabaheimsins og Vesturlanda síðustu árin að muslimir hafi túlkað þetta sem móðgun.