Greinasafn eftir:

Þú líííkaaa, nananananana!

Birt þann af

Æ, hvað það hlýtur að vera sæt hefnd fyrir málfarshroðbjóðana hjá Fréttablaðinu að geta potað smávegis í Davíð Þór. Hljómar svona dálítið eins og þegar krakki sem hefur verið margskammaður fyrir að klína kexkremi í sófann, stendur mömmu sína að því að fara með kex inn í stofu.

Sorrý Stína, það er einfaldlega hægt að gera meiri kröfur til ritaðs máls í dagblaði en beinnar sjónvarpsútsendingar, ég tala nú ekki um þegar þátturinn einkennist af hraða og spennu. Kannski hefði Fréttablaðið efni á að ráða prófarkalesara ef blaðið væri selt þeim sem kæra sig um það í stað þess að því sé troðið í póstkassa hjá fólki sem er margbúið að frábiðja sér heimsóknir blaðbera og annarra rusladreifenda.

Ég legg til að Fréttablaðið verði lagt í eyði, ásamt Moggablogginu og Kópavogi. Og Framsóknarflokknum.

Lítill munur á kúk og skít

Birt þann af

Með fullri virðingu fyrir Ögmundi flokksbróður mínum; hvað á það að fyrirstilla að velta sér upp úr þessu núna? Það eru engar fréttir að Davíð Oddsson og Halldór Ásgrímsson tóku ákvörðum um það, án samráðs við kóng, prest eða almenning, að gera okkur aðila að árás á þjóð sem ekkert hafði gert á hluta okkar. Það eru heldur engar fréttir að stór hluti þjóðarinnar var samþykkur, þ.e. nógu stór til að viðhalda stjórn þessara labbakúta.

Æ, Ögmundur! Það voru ekkert bara þessir tveir drulluhalar sem samþykktu aðild okkar að stríði. Það voru líka vinir okkar og ættingjar. Í raun er fólk eins og ég og þú samábyrgt þegar upp er staðið, því ef okkur væri ekki andskotans sama, hefðum við auðvitað slitið öllum samskiptum við þá fjölskyldumeðlimi, vini og kunningja sem við vitum að settu x við D eða B í síðustu alþingiskosningum. M.a.s. ég sjálf, sem á ekki í minnstu vandræðum með að afskrifa þá sem ofbjóða mér, hélt sambandi við fólk sem með atkvæði sínu lýsti sig hernaðarsinna svo líklega ristir hneykslun mín ekki sérlega djúpt.

Um krútt

Birt þann af

Krútt eru lítil, sæt og sakleysisleg og segja allskonar sniðugt og heillandi sem gaman er að rifja upp síðar. Börn geta verið krútt. Júlíus frændi minn var krútt þegar hann var fjögurra ára og bað um gular nærbuxur svo hann gæti verið Tarzan á Öskudaginn. Darri var krútt þegar hann var 18 mánaða, benti á endurnar á tjörninni og sagði voff!

Gunnar I Birgisson er ekki krútt. Reyndar algerlega laus við allt krúttípúttí. Það var heldur ekkert krúttlegt af honum að láta bóka eftir sér jafn ómálefnalega athugasemd. Bara heimskulegt sem er ekki það sama því krúttlegar athugasemdir byggjast á misskilningi eða barnslegri heimsýn. Ef eitthvað er er Gunnar I Birgisson ókrútt, vankrútt eða andkrútt.

Annars rifjaði þessi krúttumræða upp fyrir mér samræður okkar Hauks frá síðustu sveitastjórnakosningum:

Fordæðan: Ég er ekki frá því að kynþokki Gunnars Birgissonar sé ívið meiri en kjörþokki hans.

Byltingin: Ég get hvorki tengt kynþokka né kjörþokka við Gunnar Birgisson. Mér finnst aftur á móti enhvernveginn eins og orðið óþokki hringi einhverri bjöllu.

Tjásur:

Halda áfram að lesa →

Útrunninn

Birt þann af

Getur einhver sagt mér af hverju má ekki geyma ávaxtasafa í opinni fernu í kæli lengur en 3 daga? Kemur eitrun í safann og ef svo er, finnst það þá ekki á bragði og lykt? Sjálf hef ég oft drukkið háaldraðan ávaxtasafa og aldrei orðið meint af. Ég er reyndar með óvenju sterkan maga svo kannski er það ekki alveg að marka.

Munar ekkert um tittlingaskít

Birt þann af

Ríkissjóður tönnslast á því að við munum ekkert finna fyrir því ef við setjum 5000 kall á mánuði í sparnað. Vel má það vera en eitt finnst mér mótsagnakennt. Um áramótin hækkuðu laun ríkisstarfsmanna. Laun þeirra sem eru í 8.launaflokki, 5. þrepi hækkuðu t.d. um 4241 kr á mánuði.

Og nú spyr ég, fávís konan, hversvegna býður Ríkissjóður starfsfólki sínu launahækkun, sem hann sjálfur telur svo ómerkilega að engar líkur séu á að hún skipti launþegann nokkru máli?

Tryggðarof

Birt þann af

Ætli fólk upplifi það almennt sem ákaflega dramtískan viðburð að skipta um banka?
Þegar allt kemur til alls virðast flestir halda sig við sama bankann lengur en sama makann.

 

Einn skammt af slöppum?

Birt þann af

Hvaða hálfapa datt í hug að láta sjoppuafgreiðslufólk setja franskar kartöflur í loftþétta poka „til að halda á þeim hita“?

Líklega þeim sama og fann út að besta leiðin til að kæla gosdrykki væri sú að fylla glasið af muldum ís. Ég drekk reyndar ekki gos sjálf, hvorki vantsþynnt né óþynnt en gufusoðnar franskar, það eru nú bara helgispjöll. Gott ef ekki guðspjöll.