Frakkar boða hertar aðgerðir gegn kvennakúgun og verður kvenréttindum framfylgt á þann hátt að konur sem klæðast hryðjuverkalegum sundfötum af því tagi sem sjá má á myndinni hér að ofan (hún er tekin í Tyrklandi) geta reiknað með afskiptum franskra staðaryfirvalda, a.m.k. í Cannes, ef þær láta sjá sig þannig til fara á ströndinni.
Þessi mynd var tekin í Washington DC 1922. Samkvæmt bandarískum lögum mátti sekta konur ef sundföt þeirra huldu ekki nógu mikið hold og ef þær fóru ekki að tilmælum um að hundskast í eitthvað siðsamlegra voru þær handteknar.
Skemmtilegt hvað skoðanir yfirvalda á klæðaburði kvenna eru alltaf jafn sterkar þótt hugmyndin um það hvað teljist viðeigandi breytist.
