Á þeim ágæta vef, island.is, er að finna skýr svör um það hvernig Íslandi verður stýrt fimlega út úr efnahagsvandanum. Svörin eru að vísu ekki öll á vefnum sjálfum en þar eru þá tenglar sem nota má til að rekja sig að svarinu. Það var þannig sem ég fann svarið við því hvað ríkisstjórnin mun gera til að hjálpa mér þegar íbúðin mín fer á nauðungaruppboð.

Með því að velja tengil sem merktur er ‘Aðför, nauðungarsala og gjaldþrotaskipti (bætt staða skuldara) má t.d. rekja sig að svarinu:

Hér er hlekkurinnsem leiðir okkur á vef Alþingis. Fyrsti tengill þar er til- og millivísanir. Prófum að velja ‘greiðsluerfiðleika’ úr listanum:

Jú viti menn, hér er einmitt hægt að velja ‘aðför, nauðungarsala og gjaldþrotaskipti (bætt staða skuldara):

Nú? Þetta er undarlegt, engar upplýsingar, nema undir mælendaskrá kemur fram að má A322 sé ekki merkt til umræðu.

Nú jæja, þá tökum við tvö skref til baka og veljum ‘fjárhagsvanda heimilanna‘:

Nú? Þetta er skrýtið. Engin innsend erindi. Og þetta mál heldur ekki til umræðu.
En jú, þarna er reyndar þingskjal, fyrirspurn frá einhverri framsóknarkonu:

Þá höfum við það. Þegar við missum íbúðirnar okkar mun nefnd á vegum ríkisins vaka yfir velferð okkar og Alþingi taka til við að pexa um það hvort og hvernig sú vöktun fari fram.

Þá þarf maður ekki að hafa áhyggjur af því lengur.