Greinasafn fyrir flokkinn: Ýmis samfélagsmál

Kvensmokkahallæri

Birt þann af

http://www.smugan.is/frettir/frettir/nr/4616

Smugan segir frá því að ekkert apótek sem skoðað var hafi átt kvensmokka eða munnmottur.

Uhh… Var einhver búinn að tala við starfsfólkið og biðja um að þessar vörur yrðu pantaðar? Eða var það fyrst þennan dag sem afgreiðslufólk lyfjabúða frétti að til væri eitthvað sem kallast ‘munnmottur’?

Ég hef nokkrum sinnum beðið verslanir (ekki reyndar apótek) að panta fyrir mig vörur sem mig vantaði. Því hefur alltaf verið vel tekið og aldrei hefur hvarflað að mér að það væri blaðamál þótt kaupmenn fyndu ekki á sér hvað mig vantaði. Þetta lítur nú bara út eins og verið sé að búa til vandamál.

Birt þann af

Í skjóli þessa viðhorfs, að ef kona sé nógu mikil dræsa, sé ekki hægt að misbjóða henni kynferðislega, þrífst kynferðisleg misnotkun og ofbeldi.

Mig langar að fá nafnið á þessum geðlækni sem er fær um að meta trúverðugleik fólks í gegnum sjónvarpið.

Jóladólgurinn

Birt þann af

Jóladólgurinn er kominn af stað. Hvort sem þú hefur áhuga á jólageðveikinni eða ekki, skaltu hlaða öllu hugsanlegu Facebook jólablingblingi með hjörtum, glimmer og jólasveinum inn á veggi vina þinna, ásamt sykurklístruðum stöðulínum sem þú afritar frá einhverjum sem kann fleiri smákökuuppskriftir en stafsetningarreglur. Athugaðu að það hversu margir dólgast í þér á móti er óbriðgull mælikvarði á manngildi þitt.

Að gefnu tilefni árétta ég að ég set ekkert samasemmerki milli stafsetningar og manngildis. Ég set hinsvegar samasemmerki milli heimsku og þess að afrita hvaða vitleysu sem er frá öðrum, án þess að hugsa einu sinni út í það hvað maður er að gera. Ég hef séð copy-paste texta, fullan af málvillum og með stafsetningu sem nýbúi myndi skammast sín fyrir, hjá fólki sem er alveg þokkalega máli farið og ætti að hafa forsendur til að leiðrétta það. Skítt með það, fólk má pönkast eins og það vill á sínum eigin vefsíðum en það er orðið dálítið dólgslegt að skrifa t.d. ‘kóperaðu þetta og settu í statusinn þinn og sendu mér til baka ef þú elskar barnið þitt’ undir flórsykurhúðaða væmnina og klína þessum hroða inn á veggi annarra.

Það er hægt að draga úr þessu með því að sniðganga það. Ég fékk hroðalegan helling af svona glimmeri í hittifyrra, heldur minna síðasta ár enda sendi ég aldrei neitt til baka og hendi svona application dóti út nema það sé til styrktar einhverju góðu málefni.

Birt þann af

Ef þessi sorglegi auli kynnti sér málið nánar, dytti honum kannski í hug einhver raunhæfari leið til að binda enda á hatur muslima á breskum hermönnum en sú að stunda trúboð meðal íslenskra skólabarna.

Sú hugmynd að muslimir vilji útrýma kristindómnum er fráleit. Þeir viðurkenna kristindóm, þar sem kristinir menn aftur á móti viðurkenna ekki islam. Hitt er svo annað mál að fjölmargir muslimir vilja útrýma Vesturlandabúum. Ekki af því að þeir hafi neitt við trúarbrögðin að athuga heldur vegna þeirra hörmunga sem stanslaus hatursáróður og utanríkisstefna Bandaríkjanna, Bretlands og fleiri vestrænna ríkja hefur leitt yfir stór menningarsamfélög þar sem muslimir eru í meirihluta

Stjórnlagaþingsframbjóðandi um aðskilnað ríkis og kirkju

Birt þann af

Jóhanna Heiðdal Sigurðardóttir, frambjóðandi til Stjórnlagaþings, vill hafa hina evangelísk- lúthersku kirkju sem Þjóðkirkju. Hún vill ekki aðskilja ríki og kirkju, því hún vill geta haldið jól og páska og að fólk eigi þess kost að láta skíra börn og ferma.

Þetta er skarplega athugað hjá Jóhönnu. Í öðrum löndum þar sem ríki og kirkja eru aðskilin eru engin jól eða páskar og ekki eru börn skírð og fermd. Við þetta má bæta að jarðarfarir voru lagðar niður um leið og skírnir og fermingjar, páska og jól, í þeim ríkjum sem hafa aðskilið ríki og kirkju.

Í Þýskalandi er ástandið svo slæmt að þar hefur enginn verið jarðaður síðan 1918. Enda er lyktin orðin svakaleg.

Uppfært:
Tengillinn hér að ofan tengir ekki lengur á stefnu Jóhönnu en hér má lesa fulla tilvitnun.