Greinasafn fyrir flokkinn: Mannréttindi

Aðalmeðferð í máli Rachel Corrie

Birt þann af

Í dag hefst í Haifa, aðalmeðferð í máli foreldra Rachel Corrie gegn ísraelska hernum. Þótt fjölskylda stúlkunnar eigi alla mína samúð og ég voni virkilega að þau fái einhvern vott af réttlæti úr þessum réttarhöldum sem þau eru búin að berjast fyrir í 7 ár, finnst mér samt frekar ógeðfellt að dauði þessa eina alþjóðaliða skuli hafa vakið svo miklu meiri athygli en málstaðurinn sem hún dó fyrir.

Getur einhvern útvegað mér kort af Nablus og nágrenni með latneskri stafagerð? Endilega hafið samband ef þið lumið á einu slíku. Netfangið er eva@norn.is

Dauðarefsingar

Birt þann af

Ég heyri oft það viðhorf að þegar enginn vafi leiki á um sekt einhvers hræðilegs ofbeldismanns og morðingja, þá sé dauðarefsing rökrétt. Enginn er tekinn af lífi í Bandaríkjunum sé talið að minnsti vafi leiki á sekt hans. Því miður þá gerist það samt æði oft að þrátt fyrir að dómskerfið telji sekt manns hafna langt yfir skynsamlegan vafa, er saklaust fólk líflátið. Bara möguleikinn á að það gerist dugar til þess að sannfæra mig um að dauðarefsingar megi aldrei eiga sér stað.

Ekki flokkspólitískt mál

Birt þann af

Þetta er nefnilega ekki flokkspólitískt mál heldur mannréttindamál.

Nokkrir bloggarar hafa talað um stuðning við þá kröfu að útlendingaeftirlitið virði mannréttindi sem vinstri grænan rétttrúnað eða kommúnisma. Það finnst mér einkennilegt því enginn stjórnmálaflokkur hefur það á stefnuskrá sinni að ganga fram hjá mannréttindum enda hefur fólk úr öllum flokkum og úr öllum geirum samfélagsins fylkt sér um það.

mbl.is Í stjórnarandstöðu nema Ramses komi aftur