Fín lausn fyrir þá sem ekki þola óþægilegan sannleika, vilja ekki horfast í augu við hræsni sína, að ganga bara út.

Þetta er auðvitað talandi dæmi um kynþáttahyggju. Kannski ekki kynþáttahatur í öfgafyllsta skilningi, heldur þá kynþáttahyggju sem alltaf og ævinlega tekur þægindi Vestrænna manna fram yfir öryggi og frelsi annarra. Réttur Evrópubúans til að komast hjá því að hlusta á mógðanir, skal æðri rétti arabans til ættjarðar, frelsis og jafnvel réttinum til lífs.

Íslendingar gengu ekki út

„Engin ástæða til að senda ekki fullorðna til Grikklands“

Sameinuðu Þjóðirnar gefa út tilmæli um að senda hælileitendur ekki til Grikklands. Evrópusambandið leggst líka gegn því sem og ýmis mannréttindasamtök. Þetta er þó greinilega hið mesta bull, enda komast þeir sem hafa hagsmuni af því að losa sig við flóttamenn að þeirri niðurstöðu að ekkert mæli gegn því að senda þá til Grikklands.

Af hverju eru SÞ að ljúga svona? Hvað gengur þessu fólki til?

Mótmæltu meðferð á hælisleitendum

Þetta er sögulegur dagur í mannréttindamálum á Íslandi. Dómsmálaráðherra kom út í glugga. Hún talaði við fólkið. Hún hlustaði. Hún bauð okkur til fundar, ekki eftir 2 mánuði, heldur í fyrramálið. Engin lögga, engin átök, ekkert vesen. Það nefnilega virkar ágætlega á mótmælendur að sýna bara smá virðingu.

Nú vona  ég bara af öllu hjarta að þetta sé merki um viðhorfsbreytingu hjá stjórnvöldum og að tími Björns Bjarnasonar sé raunverulega liðinn.

Í þessari viku átti að senda 5 hælisleitendur aftur til Grikklands með aðeins tveggja tíma fyrirvara. Rauði Krossinn og Sameinuðu þjóðirnar hafa átalið Grikkland fyrir að brjóta á mannréttindum í búðum hælisleitanda. Ef við leyfum þessu að viðgangast er nær öruggt að þeir verða sendir aftur til heimalanda sinna og beint í opinn dauðann.

* Í lok ársins 2007 þurftu 67 milljónir manna að yfirgefa heimili sín vegna stríðs og náttúruhamfara. Fæstir njóta nokkurrar verndar né hafa fastan stað til að búa á.

* Ísland tekur á móti fæstum hælisleitendum, hlutfallslega, af öllum löndum heims. Frá 1990 til 2007 sóttu 603 einstaklingar um hæli á Íslandi. Einungis einn hlaut hæli. Á sama tíma eru það fátækustu lönd heims sem taka við flestum hælisleitendum.

* Ísland nauðgar Dyflinnarsamkomulaginu með því að senda hælisleitendur aftur til þess Schengenlands sem þeir komu fyrst til. Þaðan verða þeir sendir aftur til sins heimalands.

Að senda fólk til lands þar sem geisar stríð er morð!

Að senda fólk til lands þar sem það er ofsótt fyrir skoðanir sínar er morð!

Berjumst fyrir lífi. Mætum á mótmælin á Lækjartorgi Sunnudaginn 29. mars,
kl. 15:00.

Og segið svo að sé ekki full ástæða til að vera á varðbergi gegn útbreiðslu fasisma.

Hrósað fyrir dauðarefsingu