Greinasafn fyrir flokkinn: Lýðræði

Rasisti býður sig fram til Stjórnlagaþings

Birt þann af

Þessi segist hreint út vera á móti fjölmenningu. Ég kýs ekki fólk til stjórnlagaþings en ef yrði boðið upp á þann möguleika að kjósa fólk sem EKKI fengi inngöngu, þá tæki ég þátt. Það eru takmörk fyrir því hversu mannfjandssamleg viðhorf er hægt að láta vaða uppi í samfélagi sem maður hefur sagt skilið við.

Samkvæmt þessum málflutningi hlýtur að vera rökrétt að svipta þá ríkisborgararétti sem brjóta lög og semja sig ekki að siðvenjum þjóðarinnar, hvað sem það nú þýðir. Svo maður tali nú um íslenskukunnáttuna. Pant taka að mér meta það hvaða fjölmiðlamenn verði fyrst sviptir ríkisborgararétti.

Þessvegna

Birt þann af

Pöpullinn lýtur alltaf lægra haldi vegna þess að það eru ekki nema 1 af hverjum 1000 sem hafa döngun í sér til að rísa upp. Það þarf fjölda til að standa á móti atvinnuofbelsimönnum.

Ég get því miður ekki gert neitt við þá sem hafa svikið kosningaloforð en ef fleiri en 1 af 1000 nenntu því, þá væri hægt að koma þeim og því kerfi sem þeir vinna fyrir, frá völdum.

Þjóðhátíð -af ærnu tilefni

Birt þann af

Til hamingju með búsáhaldabyltinguna. Höldum þjóðhátíð í kvöld. Við þurfum ekkert að láta kulda stoppa okkur. Ef viðrar ekki fyrir götupartý á Austurvelli þá bara fyllum við veitingastaðina. Ef hefur einhverntíma verið ástæða til að splæsa í latte þá er það núna. Tökum gítarinn með inn á staðina og syngjum.

Lýðræði ER kjaftæði

Birt þann af

Úr stöðugleikasáttmálanum:

Ríkisstjórnin mun greiða götu þegar ákveðinna stórframkvæmda sbr. þjóðhagsáætlun, s.s. framkvæmda vegna álvera í Helguvík og Straumsvík.

Svo mælti vinstri hreyfingin grænt framboð, sem hélt fram umhverfisstefnu, allt fram að þeim degi sem hún komst í ríkisstjórn. Hversu stórum skammt af lygum, svikum og lýðskrumi þarf ein þjóð að kyngja til að átta sig á því að það sem við köllum því virðulega nafni ‘lýðræði’ er kjaftæði og ekkert annað en kjaftæði?