Greinasafn fyrir flokkinn: Andóf og yfirvald

Er einhver hissa á því að RÚV geti ekki sinnt öryggishlutverki?

Birt þann af

RÚV vissi ekki af þessu!

Einhver gaf þá skýringu að lögreglunni þætti ekki jákvætt að of margir vissu af hættuástandi á meðan það stæði yfir. Ég er viss um að ríkislögreglustjóri sér heldur ekkert jákvætt við að almenningur viti að greiningardeild hefur útvegað erlendum njósnastofnunum upplýsingar um íslenska borgara. Það er ekki í verkahring lögreglunnar að meta hvort það er jákvætt eða neikvætt að almenningur fái fréttir.

Ég vil fá að vita hvar skotbardagar eru í gangi. T.d. vil ég geta gengið úr skugga um að ættingjar mínir og vinir sem búa í hverfinu séu óhultir. Ég vil geta forðast að fara á svæði þar sem átök eru í gangi. Ég vil líka fá fréttir af náttúruhamförum og stórslysum strax. Að sjálfsögðu á lögreglan að láta ríkisútvarpið vita af skothríð inni í íbúðarhverfi.

Betri löggæslu takk

Birt þann af

Lögreglan í Vestmannaeyjum náði tveimur jónum um helgina og 5 grömmum af maríjúana líka. Heppnir eru Vestmannaeyingar. Annars hefðu jónurnar sennilega verið reyktar og Gvuð má vita hvernig það hefði endað. Sennilega í heróínsprautum en nú hefur þessum ungu konum verið forðað frá slíkum örlögum, þökk sé skynsamlegri fíkniefnalöggjöf.

Hvernig stendur annars á því að lögreglan gerir ekkert til þess að uppræta gvuðlast í íslensku samfélagi? Eða klámið maður, klámið!

Lögreglan þarf að gera klám- og gvuðlastsrassíu bæði í netheimum og í heimahúsum. Annars endar þjóðmenningin í einni allsherjarorgíu. Það gæti jafnvel endað með því að Helvíti yfirfyllist af fordæmdum sálum.

Just why?

Birt þann af

Nú held ég að það væri hið besta mál ef kynjahlutföll lögregluþjóna breyttust en aðallega vegna þess að ég álít að starf lögreglunnar ætti að vera allt öðruvísi en það er í dag. En ef lögreglan á að endurspegla samfélagið, þarf þá ekki að gæta þess að þar sé hæfilegt hlutfall fatlaðra, eldri borgara, afbrotamanna… Hversvegna ætti löggan að endurspegla samfélagið?

Gísli um lekamálið

Birt þann af

„Gísli útilokar ekki að óbreyttir starfsmenn ráðuneytisins safni persónuupplýsingum um hælisleitendur og leki þeim til fjölmiðla“ segir hér

Gísli þessi er trúarnöttari. Hann var og er hugsanlega enn formaður rekstrarráðs Fíladelfíusafnaðarins. Hann hefur skrifað og talað um hernám Ísraelsmanna í Palestínu og stríðsglæpi þeirra eins og sú hegðun eigi fullkomlega rétt á sér og margsinnis farið rangt með heimildir um sögu Palestínu. Þetta ræður Hanna Birna sem aðstoðarmann. Finnst ykkur það í lagi?

Veit nágranninn hvort þú ert í vanskilum?

Birt þann af

Vissir þú að mörg fyrirtæki, sem þú kemst ekki hjá að skipta við, gefa óviðkomandi fólki  upplýsingar um viðskipti þín?

Ég hélt að kannski hefði eitthvað breyst á tíu árum en núna í ágúst heyrði ég sögu móður sem ætlaði að aðstoða uppkominn son sinn við að koma reiðu á fjármál sím. Hún hafði samband við ýmis fyrirtæki og fékk athugasemdalaust allar upplýsingar sem hún bað um. Henni fannst það ekki einu sinni skrýtið fyrr en ég benti henni á að traust og kærleikur ríkir ekki í öllum fjölskyldum.