Eymingja Alcan búinn að eyða hátt í milljarði í undirbúning stækkunarinnar og svo bara virkaði ekki þetta fína trix með Bjögga Halldórs. Æjæj hvað ég finn til með þeim. Spurning hvort ég færi þeim ekki 88 kr úr Fórnarsjóði Mammons í sárabætur.
Af þessu geta stórfyrirtæki með sértæka frekjuröskun lært að það getur borgað sig að biðja um leyfi fyrst.
—————-
já, maður tárast af meðaumkun, aumingja alcan og öll góðu fyrirtækin sem núna hætta við að drulla út landið (fjárfesta), af því að lýðræði eyðileggur gróðaplönin þeirra.
Posted by: baun | 3.04.2007 | 14:06:52
—————————————————-
Hefði Megas dugað betur? Hélt að konur stæðu alltaf saman!
Posted by: Sveinn | 3.04.2007 | 22:05:36
—————————————————-
Hefði Megas dugað betur? Hélt að konur stæðu alltaf saman!
Posted by: Sveinn | 3.04.2007 | 22:06:58
—————————————————-
Ég veit ekki hvort fólk hefði frekar fallið fyrir Megasi en ætli þeir prófi hann ekki næst. Hvað áttu við með þessu um að konur standi saman?
Posted by: Eva | 3.04.2007 | 22:17:58
—————————————————-
Var að hugsa um frú Rist og konur í atvinnulífinu. Segja ekki kannanir að konur hafi verið helst á móti.
Posted by: Sveinn | 3.04.2007 | 22:27:15
—————————————————-
Sem betur fer eru flestar konur nú nógu sjálfstæðar til að mynda sér skoðun út frá málefninu en ekki því hvort það er karl eða kona sem er í forsvari. Ég var allavega ekkert að hugsa um Rannveigu Rist þennan dag, heldur beindi ég umhyggju minni að móður Náttúru. Ég hef reyndar engar áhyggjur af því að Rannveig Rist verði þungur baggi á félagsþjónustunni ef álverið fer, sem það gerir ekki.
Posted by: Eva | 3.04.2007 | 22:36:34
—————————————————-
Það gæti orðið erfiðara fyrir aðra starfsmenn þegar verksmiðjan lokar. Eiga póltíkusar sem ekki geta tekið ákvarðanir að gera eitthvað annað? Með fullri virðingu fyrir móður Náttúru að sjálfsögðu.
Posted by: Sveinn | 3.04.2007 | 23:08:03
—————————————————-
Ég sé ekkert sem bendir til þess að bæjarstórn Hafnarfjarðar geti ekki tekið ákvarðanir. Hún sýndi þá ábyrgð að spyrja íbúana álits um mjög stórt mál. Ólíkt Reykjavílurlistalufsunni virðast bæjaryfirvöld í Hafnrafirði ætla að una niðurstöðunni og er það vel. Merkilegt annars hvað lýðræði virðist oft fara illa í þá sem kenna sig við frelsi og frjálslyndi.
Álverið er því miður ekkert að fara. Þvert á móti mun það stækka. En ef við losnum við það fyrir eitthvert kraftaverk þá opnast þar með nýir möguleikar. Alveg eins og á Suðurnesjunum, þar er enginn hungurdauði fyrirsjáanlegur ennþá.
Posted by: Eva | 4.04.2007 | 7:25:35
—————————————————-
Margir varnarliðsmenn hafa fengið nýja vinnu. Aðrir farið á eftirlaun fyrr en þeir ætluðu. Atvinnuástandið er gott núna, en það er ekki sjálfgefið. Hundruðir þjónutustarfa á álverinu. Því hlýtur að verða lokað að óbreyttu þegar kemur að endurnýjun kerjanna eftir svona 6 ár. Íbúalýðræði er vand með farið. Þessi staða kom upp af því að forystumennina skorti kjark.
Posted by: Sveinn | 4.04.2007 | 9:17:23
—————————————————-
„Hundruðir þjónustustarfa byggja á starfsemi álversins“ átti þetta að vera.
Posted by: Sveinn | 4.04.2007 | 9:21:25
—————————————————-
Lof sé starfsemi aktívista um allan heim fyrir kjarkleysi stjórnmálamanna. Þeir sem valta yfir jörðina í taumlausri græðgi hafa fulla ástæðu til að óttast reiði almúgans.
Pólitískar ákvarðanir eru ekki náttúrulögmál, heldur eru þær á ábyrgð einstaklinga sem hafa nöfn, kennitölur og heimilisföng. Það var afar skynsamlegt af bæjaryfirvöldum í Hafnarfirði að hafa það í huga. Vonandi taka fleiri það sér til fyrirmyndar.
Posted by: Eva | 4.04.2007 | 9:24:32