Ég fékk skýringar á einkunnagjöf fyrir eitt prófanna minna í dag. Ein kennslukona Lagadeildar var svo elskuleg að taka á móti mér þótt ég eigi í raun engan rétt á því fyrst ég gat ekki mætt í prófsýningu á auglýstum tíma.

Hún er hjartanleg sammála því að námsmatið hjá Lagadeild sé ekki til þess fallið að mæla þekkingu og færni og að sum prófverkefnin séu beinlínis hálfvitaleg.

Þetta er ekki fyrsti kennarinn sem tekur undir þessa skoðun mína og ég er nokkuð viss um að ef allir kennarar deildarinnar yrðu spurðir, yrði niðurstaðan sú að þetta fyrirkomulag á námsmati sé handónýtt.

Þegar maður spyr hversvegna sé þá verið að notast við svona slæmt námsmat er svarið alltaf það að ekki séu til peningar til þess að gera þetta á annan hátt. Mér þætti áhugavert að sjá hvaða leiðir hafa verið ræddar og reyndar. Ég yrði ekki hissa þótt svarið sé engin.