Greinasafn fyrir merki: Búsáhaldabyltingin

Þessvegna hef ég áhyggjur af því að AGS fari illa með okkur

Birt þann af

‘Samstarf’ okkar við AGS merkir í raun að Íslendingar hafa afsalað sér fjárræði sínu

Í flestum ríkjum sem AGS hefur veitt neyðarlán
-hafa ríkisfyrirtæki verið einkavædd
-einokun erlendra fyrirtæka (oftast bandarískra) komið á
-velferðarkerfið skorið niður
-dregið verulega úr starfsemi stéttarfélaga
-vextir af láninu hækkaðir þar til landið stendur ekki undir greiðslum
-og þá eru auðlindir þess teknar upp í skuldina
-og þjóðin svipt sjálfstæði sínu.

Við höfum ekki fengið nein svör um skilyrði AGS fyrir neyðarláni.
Við vitum ekkert hvernig á að borga það lán upp.
Við vitum ekki hversu miklar heimildir AGS hefur til að setja skilyrði eftir á eins og gerst hefur í öðrum löndum.

Við eigum skýlausa heimtingu á að fá þessar upplýsingar STRAX.

Umræður hér: https://www.facebook.com/notes/eva-hauksdottir/þessvegna-hef-ég-áhyggjur-af-því-að-ags-fari-illa-með-okkur/52941033659/

 

 

 

Búsáhaldabyltingin misheppnaðist

Birt þann af

Á morgun tekur til starfa ný ríkisstjórn. Ríkisstjórn Sigmundar Davíðs, framsóknarauðmanns. Hann fær að vísu ekki ráðherrastól en Framsóknarflokkurinn ætlar að taka að sér að leiðbeina málamyndaríkisstjórninni og væntanlega að verja hana vantrausti svo lengi sem hún fer eftir þeim leiðbeiningum. Og svekktir Sjálfstæðismenn flykkjast yfir í Framsóknarflokkinn sem væntanlega mun gæta einkahagsmuna flokksmanna sinna að vanda.

Minn hlátur er sorg.

Búsáhaldabyltingin misheppnaðist. Hávaðinn af pottum og sleifum gefur greinilega ekki nægilega sterk skilaboð. Næsta skref hlýtur því að vera verkfærabylting.

Ég ætla að ná úr mér berkjubólgunni. Svo ætla ég að verða mér úti um vírklippur, vélsög og góða öxi.

Flottur gjörningur

Birt þann af

Elska allt svona. Elska sérstaklega þegar fólk gerir hlutina bara sjálft án þess að bíða eftir fjöldaaðgerðum.

Fólk er endalaust að koma að máli við mig og kynna einhverjar sniðugar hugmyndir að pólitískum aðgerðum. Fæstir framkvæma þær hinsvegar. Ætlast fólk virkilega til þess að ÉG sjái um að ýta hugmyndum þess í framkvæmd? Í öllum hamingjunnar bænum, ef þið hafið hugmyndir, ekki segja mér þær, framkvæmið þær bara.

mbl.is Krónugjörningur við seðlabankann