Categories: FasysturKyn & klám

Sóley Tómasdóttir froðufellir vegna bakþanka

Ætli við höfum ekki flest orðið vitni að því að fólk sem allajafna er friðsamt og hegðar sér nokkuð prúðmannlega verður það sem kallað er „vitlaust með víni“? Flest okkar jú, en ekki samt Sóley Tómasdóttir.

Læknir verður vitni að ofbeldi drukkins karls gegn konu sinni og bendir á það sem alkunna er að áfengisneysla hafi áhrif á dómgreindina og að ofbeldi sé ein birtingarmynd þess skaða sem víma veldur. Þetta túlknar femínistinn þegar í stað á þann veg að þarna sé verið að réttlæta ofbeldi, afsaka karlinn sem lemur konuna sína.

Það er fráleit ályktun að Lára G. Sigurðardóttir sé að halda því fram að áfengi sé eina rót kynbundins ofbeldis, hún er hinsvegar að benda á algenga orsök þess að menn missi stjórn á skapi sínu og það þarf svosem ekki lækni til að staðfesta það. Að ætla henni það að veita ofbeldismönnum einhverskonar syndaaflausn er hvorki rökrétt né sanngjarnt.

En Sóley er  auðvitað ekkert ein um það að ætla fólki sem ekki tilheyrir innsta hring femínista meðvirkni með ofbeldisseggjum og leggja orð þess út á versta veg. Nýlegt dæmi um það eru ofsakennd viðbrögð dólgafemínista við orðum Stefáns Karls Stefánssonar um móðgunaráráttu sjálfskipaðra verndara jaðarhópa.

Hver er svo tilgangur kvenhyggjusinna með þessum ofstopakenndu viðbrögðum við málefnalegri umræðu? Kannski er þetta að nokkru leyti birtingarmynd þeirrar vænisýki sem einkennir flest „költ“. Trúarnöttarar þurfa ekki neitt áfengi til þess að verða snarvitlausir. Það þarf að halda árunni hreinni og besta leiðin til þess er sú að staðsetja djöfulinn – finna kennimark Kölska.

En að einhverju leyti er þessi froðufellandi ofsi af smávægilegasta tilefni einfaldlega ein af þöggunaraðferðum femínista; viðleitni til að stjórna allri umræðu um kynjapólitík og raunar allt sem viðkemur kynjaímyndum og átökum milli kynjanna. Brjálæðið yfir því að einhver segi eitthvað „vitlaust“ (lesist „eitthvað sem ekki fellur femínistum í geð“) er þannig liður í því að koma á kennivaldi og viðhalda því. Nánar tiltekið kennivaldi kvenhyggjunnar.

Eva Hauksdóttir

Share
Published by
Eva Hauksdóttir

Recent Posts

Hvað gerðist á jóladag?

Helgisagan um fæðingu Jesú er á þessa leið: Ágústus keisari vill taka manntal og Jósef…

54 ár ago

Fréttir vikunnar – KSÍ skýrslan og ritstuldur Seðlabankastjóra

Ég var beðin um stutt fréttarant fyrir Lífið á Fréttablaðinu í dag. Þetta hef ég…

54 ár ago

Þegar málshættir afbakast

Gefum okkur að "rétt mál" sé það sem málsamfélagið kemur sér saman um. Látum andartak…

54 ár ago

Endurhæfing Skúla Gunnlaugssonar

Sumarið 2020 var þáverandi yfirlæknir Heilbrigðisstofnunar Suðurnesja, Skúli Tómas Gunnlaugsson, sviptur starfsleyfi vegna margháttaðra afglapa…

54 ár ago

Píkubollar

Margur karlinn er svo heillaður af dindlinum á sér að hann finnur sig knúinn til…

54 ár ago

Frændi minn Michael Hauksdóttir er látinn

Árið 2014 sendi lögmaðurinn Max Gracia Kanasa i Benín mér tölvupóst í gegnum Yahoo netfangið…

54 ár ago