„Það eru svartfuglar í djúpinu þínu“
sagðir þú
og rýndir í yfirborðið.
Reyndir að veiða þá en þeir hurfu
þegar þú gáraðir fljótið.
Hefðirðu bara litið til himins
þá hefðirðu séð
að þeir voru aðeins endurvarp
á glersléttu vatni.
Skuggar hvítra máva
sem flugu þar yfir.
Hvað býr í djúpinu?
Eitthvað mun þar vera um hála steina,
sokkin sjóræningjaskip
og eflaust hugsa fiskarnir sitt
þótt fáir hafi heyrt þá syngja.
En ógárað yfirborð,
ljúfastur,
það er spegilmynd. Ekkert meira.
Þessar afhendingar skrifaði ég handa Einari fyrsta árið sem við bjuggum saman. Að strákunum mínum…
Myndin er af vef Reykjavíkurborgar Þennan texta skrifaði ég við lag eftir Begga bróður minn.…
Þennan texta skrifaði ég við lag eftir Begga bróður minn. Sem hefur ekki verið gefið…
Þennan texta skrifaði ég við ekta seventies-lag eftir Begga bróður minn. Sem hefur ekki verið…
