Þetta er allt snarvitlaust þarna austur frá

Þetta finnst mér stórfurðulegur fréttaflutningur.

Löglega og lýðræðislega kjörin drullusokkaríkisstjórn „hrifsar“ völdin af öðrum drullusokkaflokk sem stendur fyrir valdaráni. Ég minnist eþss ekki að hafa nokkurntíma heyrt eða lesið frétt frá rúv, þar sem talað er um að Ísraelsmenn hafi „hrifsað til sín“ landsvæði Palestínumanna. Það er líklega af því að rúv vill gæta hlutleysis.

Palestínumenn eru margir hverjir hinir mestu fávitar. Alveg eins og Íslendingar. Palestínumenn vilja frekar óstarfhæfa ríkisstjórn en enga og þeir sem hafa gefið kost á sér til að stjórna í því stjórnleysi sem ríkir í þessu hrellda landi eru ekki færir um það. Reyndar get ég ekki ímyndað mér neinn sem væri fær um það.

Nokkrir Íslendingar sem hafa samúð með frelsisbaráttu Palestínumanna, hafa látið í það skína að fyrst Hamashreyfingin fékk lýðræðislega kosningu, hljóti hún að vera eitthvað æðisleg. Það er rangur misskilningur. Hamassamtökin eru ekki æðisleg. Hamassamtökin eru skítaflokkur sem ekkert mun gera til að koma á friði. Ekki frekar en Fatah. Ekki frekar en nokkur hreyfing sem telur sig ganga sérstakra erinda gvuðs.

Málið er bara að arabar hafa nákvæmlega sama rétt og barbarar norðursins til að kjósa yfir sig drullusokka. Það gerðu þeir og það gerðum við. Okkar mistök fara ekkert í taugarnar á Stóra bróður og þessvegna er okkur ekki refsað fyrir þau. Palestínumönnum hefur aftur á móti verið refsað af alþjóðasamfélaginu og nú þegar valdarán á sér stað í Palestínu, þá rjúka þjóðir sem ekki vildu viðurkenna lýðræðislega kjörna skíthæla upp til handa og fóta og styðja aðra drullsokkastjórn sem hinn almenni fáviti í Palestínu kaus ekki!

Mér hefur hingað til blöskrað skeytingaleysi alþjóðasamfélagsins um málefni Palestínu. Nú vaknar hins vegar sú spurning hvort forræðishyggja annarra þjóða gagnvart fólki sem enginn hefur viljað taka ábyrgð á, sé réttlætanleg. Kannski ættu þeir ábyrgðarlausu rassasleikjar sem ekkert hafa gert til að hindra þjóðarmorð Ísraela á Palesínumönnum bara að leyfa þessum vitleysingum að drepa hver annan í friði. Ja maður spyr sig.

 

Share to Facebook

1 thought on “Þetta er allt snarvitlaust þarna austur frá

  1. ————————————————

    Finna nógu stóran reit í miðri eyðimörkinni, planta þessum öfgafullu Hamas og Fatah morðingjum niður og leyfa þeim að kála hvorum öðrum í friði. Síðan getur hinn þögli (þorir ekki öðru) hófsami meirihluti kannski búið til starfhæfa Palestínu.

    Posted by: Gillimann | 18.06.2007 | 11:38:09

    ————————————————

    Ég held reyndar ekki að það gengi heldur Gillimann. Palestína verður ekki starfhæf á meðan Ísraelsmenn fá óáreittir að ræna meira og meira landi og hrekja fólk frá heimilum sínum. Það eru góðar ástæður fyrir ofsanum í Hamasliðum þótt ég telji hann ekki vænlegan til friðar.

    Posted by: Eva | 18.06.2007 | 12:25:54

    ————————————————

    Að þetta lið geti ekki skilið hvað það eyðileggur fyrir þjóð sinni með þessu rugli! Nú fá haukarnir þvílík skotfæri…

    Posted by: hildigunnur | 18.06.2007 | 13:33:43

    ————————————————

    Ég er á því að Ísraelsmenn ættu að fara að ályktunum SÞ og skila öllu herteknu landi sem þeir hafa tekið ófrjálsri hendi. Þeir eiga hins vegar sinn tilverurétt og mér virðist sem Hamas hafi engan áhuga á að viðurkenna það. Svo er eins og þessir bardagar milli Fatah og Hamas sé eins og barátta aðila með mjög ólíkar skoðanir í trúmálum og hlutverki þeirra í veraldlegum heimi.

    Posted by: Guðjón Viðar | 18.06.2007 | 18:08:06

    ——————————-

    Verð að játa að ég er orðin svo firrt og fúl eftir áratuga röfl um þetta mál allt saman, án þess að lausn fáist – að mér er eiginlega bara sama. Langar að taka til í mínum eigin bakgarði áður en ég fer að taka til í annara.

    Posted by: lindablinda | 19.06.2007 | 22:09:41

    ——————————–

    Það er mjög auðvelt að líta svo á að manni komi það ekki við þótt annað fólk sé kúgað, svelt og drepið. Flestum okkar stendur alveg á sama um þjáningar annarra og það er þessvegna og eingöngu þessvegna sem mannréttindabrot viðgangast. Ef út í það er farið er maður aldrei alveg búinn að taka til heima hjá sér.

    Posted by: Eva | 20.06.2007 | 11:34:46

    ——————————–

    Sammála Evu, alltaf gott að hreinsa við og við til í eigin bakgarði en það er ekki nóg afsökun fyrir því að láta sér standa á sama um restina.
    Þetta er mjög áhugaverð frétt. 340 manns flúnir. Er venjulega flóttamannastraumur yfir til Egyptalands eða byrjaði hann bara einmitt núna þegar Hamas tóku yfirráðin? Ef þetta er ekki nýtt, hversu margir fara yfir á dag, viku eða mánuði? Var fjölgun? Hvaðan koma tölurnar og hvers vegna eru ekki tölur daglega/vikulega/mánaðarlega?

    Posted by: Kristín | 20.06.2007 | 16:46:05

    ——————————–

    Bara svo að það sé á hreinu þá er ég ekki mannhatari og vond kona sem tek ekki nærri mér sársauka annara, en ég get ekki séð að við séum að gera eitthvað af viti til að leysa þessi mál. Á meðan líðast alls konar andskotar á okkar eigin litla skeri þar sem við ÆTTUM að geta haft einhver áhrif á gang mála……Þegar kemur að stóru málunum úti í heimi þá verð ég bara ráðalaus – eins og líklegast ansi margir.

    Posted by: lindablinda | 20.06.2007 | 18:40:26

Lokað er á athugasemdir.