Vikuleg mengunarslys

Íslenska Járnblendifélagið vill stækka verksmiðju sína á Grundartanga. Verksmiðjan er nú þegar einn mesti mengunarvaldur hér á landi og losar mest magn gróðurhúsalofttegunda; aukin framleiðsla myndi leiða af sér gífurlega mengunaraukningu. Í júlí 2007 var sagt frá því að Elkem hafi ‘fyrir slysni’ losað stærðarinnar mengunarský frá verksmiðju sinni. Samkvæmt fréttinni orsakaðist slysið af mannlegum mistökum og haft var eftir Þórði Magnússyni, talsmanni fyrirtækisins, að sams konar slys gerist nokkrum sinnum í viku. Sigurbjörn Hjaltason, hreppstjóri Kjósahrepps, segir þessi ‘slys’ yfirleitt eiga sér stað að nóttu til.

Við viljum ekki meira ógeð, það er nóg mengun að glíma við fyrir.

Hins vegar báxítráni Century í Kongó 
Árið 2007 skrifaði Century undir viljayfirlýsingu við ríkisstjórn Vestur Kongó um byggingu álvers, súrálsverksmiðju og báxítnámu þar í landi.

Það kemur ekki á óvart að Century vilji eiga viðskipti við Vestur-Kongó en þar einkennist stjórnarfarið af spillingu. Afar ólíklegt er að þeir fátæku muni nokkuð hafa upp úr þessari þróun, en munu þess í stað verða fyrir umhverfislegum áhrifum framkvæmdanna.

Samarendra Das, indverskur rithöfundur og sérfræðingur um áliðnaðinn mun fjalla um menningarleg þjóðarmorð í tengslum við álframleiðslu á ráðstefnu Saving Iceland í Reykjavíkur Akademíunni næstkomandi miðvikudag.
,,Alls staðar í heiminum þar sem báxítgröftur fer fram á sér stað samhliða eyðilegging umhverfisins, jafnframt sem lifibrauð fólks og heilsa þess eru tekin af þeim. Fólk búsett á Íslandi þarf að átta sig á því hvaðan báxítið sem álið er framleitt úr, kemur” segir Samarendra.

Þetta er málið og ég hvet alla sem hafa áhuga á stóriðju og alla sem hafa áhuga á umhverfismálum til að mæta.