Ég er afar ánægð með nýtilkomna umhverfisstefnu Sjálfstæðisflokksins í Reykjavík. Ég ætla rétt að vona að þetta sé alvöru hugarfarsbreyting en ekki bara pólitísk brella til að lappa upp á ímynd flokksins rétt fyrir þingkosningar.
Það er dálítið kaldhæðnislegt að ég skuli kjósa VG því þegar á heildina er litið er ég ekkert sérstaklega vinstri græn. Ég vil t.d. ekki sjá það að ríkið sé garfandi í öllum hugsanlegum reksti en það er enginn flokkur á Íslandi sem hafnar alræði stóra bróður og VG eru alveg sömu alræðisfastistarnir og sjálfstæðismenn, bara með aðrar áherslur. Það sem ræður gallhörðum stuðningi mínum við framboð sem ég er ekki sammála nema um örfá atriði eru stóru málin. Enginn annar flokkur hefur afdráttarlaust hafnað þátttöku íslendinga í hverskyns hernaðarbrölti og enginn annar flokkur hefur staðið harður á því að setja náttúruvernd í fyrirrúm þegar stóriðja er annars vegar. Ég hef heldur ekki áhyggjur af því að VG mylji undir þá sem best geta bjargað sér sjálfir á meðan þjónusta við aldraða og öryrkja er í ólestri.
Fyrst og fremst eru það þó heilindin sem ráða stuðningi mínum við VG. Enginn annar flokkur nálgast það að vera trúverðugur. Ég hef ekki áhyggjur af því að VG geri leynisamninga við erlend ríki eða skrái okkur aðila að stríði án þess að spyrja kóng, prest eða Jón í Kassagerðinni. Af tvennu illu finnst mér þó skárra að forræðishyggjan komi fram í dreifbýlismennsku eins og að banna einkaskóla og halda uppi ríkisreknu útvarpi með allri sinni sápu en að fremja landráð eins og Davíð Oddsson og Halldór Ásgrímsson gerðu á sínum tíma. VG hefur ekki sveiflast með tískustraumum heldur haldið fast við sín prinsipp, hversu óvinsæl sem þau hafa verið. Ég treysti því VG einum flokka til að gefa okkur réttar upplýsingar um stefnu sína.
Sjálfstæðisflokkurinn í Reykjavík vann sér inn mörg stig hjá mér í gær. Ef Villi, Gísli Matreinn og kó sýna það og sanna á næstu árum að þeim sé virkilega alvara með því að taka upp góða umhverfisstefnu, getur farið svo að ég kjósi þá næst. En glætan spætan að þeir geti notað fögur fyrirheit þingflokknum til framdráttar, nei takk, mitt traust er nokkuð sem pólitíkusar þurfa að ávinna sér.
Ég er afar ánægð með nýtilkomna umhverfisstefnu Sjálfstæðisflokksins í Reykjavík. Ég ætla rétt að vona að þetta sé alvöru hugarfarsbreyting en ekki bara pólitísk brella til að lappa upp á ímynd flokksins rétt fyrir þingkosningar.
Það er dálítið kaldhæðnislegt að ég skuli kjósa VG því þegar á heildina er litið er ég ekkert sérstaklega vinstri græn. Ég vil t.d. ekki sjá það að ríkið sé garfandi í öllum hugsanlegum reksti en það er enginn flokkur á Íslandi sem hafnar alræði stóra bróður og VG eru alveg sömu alræðisfastistarnir og sjálfstæðismenn, bara með aðrar áherslur. Það sem ræður gallhörðum stuðningi mínum við framboð sem ég er ekki sammála nema um örfá atriði eru stóru málin. Enginn annar flokkur hefur afdráttarlaust hafnað þátttöku íslendinga í hverskyns hernaðarbrölti og enginn annar flokkur hefur staðið harður á því að setja náttúruvernd í fyrirrúm þegar stóriðja er annars vegar. Ég hef heldur ekki áhyggjur af því að VG mylji undir þá sem best geta bjargað sér sjálfir á meðan þjónusta við aldraða og öryrkja er í ólestri.
Fyrst og fremst eru það þó heilindin sem ráða stuðningi mínum við VG. Enginn annar flokkur nálgast það að vera trúverðugur. Ég hef ekki áhyggjur af því að VG geri leynisamninga við erlend ríki eða skrái okkur aðila að stríði án þess að spyrja kóng, prest eða Jón í Kassagerðinni. Af tvennu illu finnst mér þó skárra að forræðishyggjan komi fram í dreifbýlismennsku eins og að banna einkaskóla og halda uppi ríkisreknu útvarpi með allri sinni sápu en að fremja landráð eins og Davíð Oddsson og Halldór Ásgrímsson gerðu á sínum tíma. VG hefur ekki sveiflast með tískustraumum heldur haldið fast við sín prinsipp, hversu óvinsæl sem þau hafa verið. Ég treysti því VG einum flokka til að gefa okkur réttar upplýsingar um stefnu sína.
Sjálfstæðisflokkurinn í Reykjavík vann sér inn mörg stig hjá mér í gær. Ef Villi, Gísli Matreinn og kó sýna það og sanna á næstu árum að þeim sé virkilega alvara með því að taka upp góða umhverfisstefnu, getur farið svo að ég kjósi þá næst. En glætan spætan að þeir geti notað fögur fyrirheit þingflokknum til framdráttar, nei takk, mitt traust er nokkuð sem pólitíkusar þurfa að ávinna sér.
Mér hefur alltaf, frá því að ég var 7-8 ára, þótt Jesús frekar áhugaverður karakter.…
Það er ekkert nýtt að þeir sem vilja bæta ímynd sína taki upp ný orð…
Facebook hefur samþykkt að greiða samanlagt 52 milljónir bandaríkjadala miskabætur til starfsfólks sem hefur fengið áfallastreituröskun vegna…
Mynd Ríkisútvarpsins frá blaðamannafundi í Safnahúsinu á Hverfisgötu í gær hefur vakið nokkrar vangaveltur á ritstjórn…
Kórónan hefur svo sannarlega kippt stórum hluta allrar starfsemi samfélagsins úr sambandi. Ein afleiðingin er…
Tjáningarfrelsið á undir högg að sækja, líka í Evrópu. Og nú höfum við fengið staðfestingu…