Þrjátíu gullpeningar handa Ástu R.

Vegna mikils verðfalls á silfri síðustu tvö þúsund árin hefur verið ákveðið að leysa Ástu R. Jóhannesdóttur, forseta Alþingis, út með þrjátíu gullpeningum þegar hún lýkur störfum í vor.

Í öðru og þriðja sæti eru Árni Páll Árnason og Katrín Jakobsdóttir.  Þau verða að láta sér nægja silfur í þetta sinn, en á næsta þingi verður Ásta ekki meðal keppenda, svo möguleikar þeirra á gulli ættu að aukast umtalsvert.

Þrjátíu bronspeninga fær Guðmundur Steingrímsson.  Hann er nýliði í bransanum og enn ekki ljóst hvort hann hefur til lengdar þann sálarstyrk sem þarf til að vinna þau verk sem að jafnaði hafa verið launuð með þrjátíu silfurpeningum.

 

Deildu færslunni