Nýr markhópur

Ég hef um langa hríð haft áhuga á spádómum og er nokkuð lunkin við að spá í tarotspil og kaffibolla.

Það er dásamlegt að sjá hvernig spádómar geta gefið fólki nýja von og eflt jákvæðni og lífsvilja fólks sem á um sárt að binda. Ég hef hingað til eingöngu boðið upp á spádóma heima hjá mér og í gegnum símalínu en nú hyggst ég færa út kvíarnar og bjóða upp á þessa þjónustu á sjúkrahúsum landsins. Von mín er sú að þjónustan verði nógu vinsæl til að ríkið sjái ástæðu til að niðurgreiða hana, jafnvel að fullu þannig að ég verði einfaldlega á launum hjá ríkinu við að spá fyrir sjúklingum, þeim að kostnaðarlausu.

Með því að fara inn á spítalana og í fangelsin, eru góðar líkur á því að ég nái til fólks sem að öðrum kosti hefði aldrei leitað til spákonu í nauðum sínum. Ég vil þakka Kristínu Þórunni sérstaklega fyrir að vekja athygli mína á þessum markhópi.