Ég hef ákveðið að taka saman afglapaskrá lögreglunnar.
Ég ætla strax að fara að halda afglapadagbók fyrir árið í ár, ekki seinna vænna, því afrekin hrannast upp. Mig langar einnig að safna saman atvikum frá fyrri árum en ætla að leggja alla áherslu á þetta ár til að byrja með. Mig langar að koma afglapaskrá áranna 2009 og 2010 í birtingu fyrir áramót því þannig er alltaf hægt að bæta inn í síðar. Mér sýnist skráin fyrir 2009 vera orðin svo umfangsmikil að það krefjist töluverðrar vinnu að skrá og leggja út af öllum þeim fjölda atvika og til að ná þeim áhugaverðustu fyrir áramót þyrfti ég að fá aðstoð.
Ég bið þessvegna þá sem telja þörf fyrir svona skrá og muna eftir áhugaverðum dæmum um framgöngu lögreglunnar frá síðustu árum, hafa handbærar upplýsingar sem geta skipt máli, eiga myndir sem þeir vilja lána, þekkja til einstaka atvika og eru tilbúnir til að veita viðtöl eða geta bent á heimildamenn, að setja sig í samband við mig. Ég vil t.d. gjarnan komast í samband við manninn sem fékk kylfuhögg á höfðuðið í búsáhaldabyltingunni. Eins langar mig að ná í einhvern af aðstandendum mannsins sem hengdi sig í rúmteppi, útafliggjandi ífangaklefa í júní.
Ég er á facebook en einnig má senda mér tölvupóst á eva.evahauksdottir@gmail.com
Mér hefur alltaf, frá því að ég var 7-8 ára, þótt Jesús frekar áhugaverður karakter.…
Það er ekkert nýtt að þeir sem vilja bæta ímynd sína taki upp ný orð…
Facebook hefur samþykkt að greiða samanlagt 52 milljónir bandaríkjadala miskabætur til starfsfólks sem hefur fengið áfallastreituröskun vegna…
Mynd Ríkisútvarpsins frá blaðamannafundi í Safnahúsinu á Hverfisgötu í gær hefur vakið nokkrar vangaveltur á ritstjórn…
Kórónan hefur svo sannarlega kippt stórum hluta allrar starfsemi samfélagsins úr sambandi. Ein afleiðingin er…
Tjáningarfrelsið á undir högg að sækja, líka í Evrópu. Og nú höfum við fengið staðfestingu…