Af hverju eru allar doppur með einföldu andlitstákni kölluð broskallar, jafnvel þótt svipbrigðið eigi ekkert skylt við bros?
Og afhverju eru langflestir broskallar gulir?
Fyrsta orðið sem ég lærði að lesa á ensku var smile. Ég kunni að segja I love you baby og fannst stórmerkilegt að Kaninn (Ég bjó í Njarðvík) skyldi ekki móðgast yfir að vera kallaður barn. Ég var hálfmóðguð yfir því sjálf, enda 7 ára og næstum fullorðin.
Mér áskotnaðist barmmerki með gulum broskalli. Það var í umbúðum á þeim stóð smile. Móðir mín las það sem smæl. Sagði að sumir stafirnir væru lesnir öðruvísi á ensku. Mér fannst mjög flippað að e-ið væri ekki borið fram.
Stuttu síðar lærði ég að lesa fuck you.
Ég er ekki frá því að þau orð hafi oftar komið mér í hug undanfarið en guli broskallinn. Og verið dálítið út í ælugræn á litinn.