{"id":2062,"date":"2017-09-02T16:51:55","date_gmt":"2017-09-02T16:51:55","guid":{"rendered":"http:\/\/www.norn.is\/eva\/?p=2062"},"modified":"2020-07-13T18:26:38","modified_gmt":"2020-07-13T18:26:38","slug":"um-syninguna-med-fulla-vasa-af-grjoti","status":"publish","type":"post","link":"https:\/\/www.norn.is\/eva\/2017\/09\/02\/um-syninguna-med-fulla-vasa-af-grjoti\/","title":{"rendered":"Um s\u00fdninguna \u201eMe\u00f0 fulla vasa af grj\u00f3ti\u201c"},"content":{"rendered":"\n

\u00c9g \u00feor\u00f0i varla a\u00f0 gera m\u00e9r vonir um a\u00f0 f\u00e1 t\u00e6kif\u00e6ri til a\u00f0 sj\u00e1 leiks\u00fdninguna Me\u00f0 fulla vasa af grj\u00f3ti <\/em> en var svo heppin a\u00f0 f\u00e1 bo\u00f0 \u00e1 frums\u00fdningu.<\/p>\n\n\n\n

\u00c9g s\u00e1 fyrstu uppf\u00e6rsluna \u00e1ri\u00f0 2000 og fannst s\u00fdningin fr\u00e1b\u00e6r \u00fe\u00e1. Ekki er s\u00ed\u00f0ra a\u00f0 sj\u00e1 hana aftur 17 \u00e1rum s\u00ed\u00f0ar. Afbrag\u00f0s leikur og alveg m\u00f6gnu\u00f0 upplifun a\u00f0 sj\u00e1 \u00feessa tvo st\u00f3rkostlegu leikara skipta fyrivaralaust um karaktera, oft \u00e1n \u00feess einu sinni a\u00f0 nota b\u00faninga e\u00f0a a\u00f0ra leikmuni til hj\u00e1lpar. \u00c1 vef \u00dej\u00f3\u00f0leikh\u00fassins eru taldar upp 15 pers\u00f3nur en \u00ed raun eru \u00fe\u00e6r 17 \u00fev\u00ed tv\u00e6r \u00feeirra koma einnig fram sem b\u00f6rn og eru a\u00f0 sj\u00e1lfs\u00f6g\u00f0u leiknar \u00e1 allt annan h\u00e1tt en fullor\u00f0nu afbrig\u00f0in.<\/p>\n\n\n\n

\"\"<\/figure>\n\n\n\n

\u00c9g heyr\u00f0i \u00fe\u00e1 sko\u00f0un \u00ed g\u00e6r a\u00f0 \u00fea\u00f0 v\u00e6ri l\u00edti\u00f0 spunni\u00f0 \u00ed handriti\u00f0, listin f\u00e6list n\u00e6r eing\u00f6ngu \u00ed t\u00falkun leikaranna. \u00c9g get sannarlega teki\u00f0 undir \u00fe\u00e1 sko\u00f0un a\u00f0 uppsetningin og leikurinn g\u00e6\u00f0ir verki\u00f0 alveg s\u00e9rst\u00f6ku l\u00edfi en m\u00e9r finnst sagan sem sl\u00edk l\u00edka g\u00f3\u00f0. \u00deetta er tragik\u00f3mid\u00eda me\u00f0 p\u00f3lit\u00edskum undirt\u00f3n sem hef\u00f0i m\u00e1tt vera sterkari. L\u00edti\u00f0 samf\u00e9lag \u00e1 \u00cdrlandi tekur \u00fe\u00e1tt \u00ed ger\u00f0 Hollywoodmyndar. \u00deorpsb\u00faar leika \u00f3merkileg aukahlutverk \u00ed myndinni og eru alveg slefandi af hrifningu af fr\u00e6ga f\u00f3lkinu til a\u00f0 byrja me\u00f0. A\u00f0alpers\u00f3nurnar eru tv\u00e6r, \u00feorpsb\u00fainn Jake og a\u00f0komuma\u00f0urinn Charlie. \u00deeir eru b\u00e1\u00f0ir aukaleikarar \u00ed myndinni og b\u00e1\u00f0a dreymir um a\u00f0 ver\u00f0a fr\u00e6gir. Charlie hefur skrifa\u00f0 kvikmyndahandrit sem enginn s\u00fdnir \u00e1huga og Jake g\u00e6lir vi\u00f0 fjarl\u00e6gan draum um a\u00f0 f\u00e1 st\u00f3rt hlutverk \u00ed kvikmynd. Sean, ungan \u00f3reglumann, dreymir um a\u00f0 f\u00e1 a\u00f0 vera me\u00f0 \u00ed myndinni en hann f\u00e6r ekki einu sinni hlutverk sem statisti. Jake og Charlie velta \u00fev\u00ed fyrir s\u00e9r hvort h\u00e6fileikarnir einir dugi til \u00feess a\u00f0 sl\u00e1 \u00ed gegn e\u00f0a hvort nau\u00f0synlegt s\u00e9 a\u00f0 \u00feekkja einhvern \u00ed kvikmyndaheiminum til \u00feess a\u00f0 koma s\u00e9r \u00e1 framf\u00e6ri.<\/p>\n\n\n\n

Flj\u00f3tlega fer Jake a\u00f0 sv\u00ed\u00f0a vir\u00f0ingarleysi\u00f0 sem aukaleikurunum er s\u00fdnt og skeytingarleysi kvikmyndai\u00f0na\u00f0arins um \u00fearfir samf\u00e9lagsins \u00feegar hinn ungi Sean fyrirfer s\u00e9r, ver\u00f0ur til \u00feess a\u00f0 fleiri taka \u00ed sama streng. Fr\u00e6ga f\u00f3lki\u00f0 sem \u00ed fyrstu var sveipa\u00f0 d\u00fdr\u00f0arlj\u00f3ma reynist tillitslaust forr\u00e9ttindapakk sem hefur engan \u00e1huga \u00e1 \u00fev\u00ed samf\u00e9lagi sem veri\u00f0 a\u00f0 nota sem efnivi\u00f0 \u00ed kvikmynd. Sagan sem veri\u00f0 er a\u00f0 mynda er yfirbor\u00f0skennd saga af leiguli\u00f0um sem eru a\u00f0 missa jar\u00f0ir s\u00ednar en endurheimta \u00fe\u00e6r fyrir tilstilli hetjunnar sem er \u00ed fyrstu kotb\u00f3ndi sem \u00e1 a\u00f0 bera \u00fat af landi s\u00ednu en eignast s\u00ed\u00f0ar prinsessuna og r\u00edki\u00f0. \u00deessi r\u00f3mant\u00edska \u00edmynd er v\u00ed\u00f0s fjarri \u00feeim veruleika sem blasir vi\u00f0 f\u00f3lkinu; ekki s\u00edst drengum sem fyrirfer s\u00e9r en hann \u00e1 s\u00e9r enga framt\u00ed\u00f0arvon getur \u00ed raun hvorki fari\u00f0 burt n\u00e9 veri\u00f0 um kyrrt \u00e1 heimasl\u00f3\u00f0um s\u00ednum.<\/p>\n\n\n\n

S\u00e1 h\u00f6rmulegi atbur\u00f0ur sem sj\u00e1lfsv\u00edg unga mannsins er, ver\u00f0ur til \u00feess a\u00f0 hugmyndir vakna um a\u00f0 breyta kvikmyndinni \u00ed s\u00f6gu um l\u00edf aukaleikaranna, einkum \u00feess l\u00e1tna, sem f\u00e9kk ekki einu sinni a\u00f0 vera me\u00f0.\u00a0Leikstj\u00f3rinn afskrifar \u00fe\u00e1 hugmynd me\u00f0 \u00f6llu en \u00feeim f\u00e9l\u00f6gum Jake og Charlie finnst ekki \u00e1st\u00e6\u00f0a til a\u00f0 taka mark \u00e1 honum og\u00a0s\u00f6kkva \u00feeir s\u00e9r \u00ed draum\u00f3ra. \u00c1horfandinn veit a\u00f0 kvikmynd um l\u00edf \u00edrskrar al\u00fe\u00fd\u00f0u\u00a0yr\u00f0i sennilega d\u00fdpri en Hollywood-klisjan me\u00f0 hamingjur\u00edkum endi en hann veit einnig a\u00f0\u00a0\u00feeir hafa ekkert til a\u00f0 bera sem\u00a0gerir \u00fea\u00f0 l\u00edklegt a\u00f0 \u00feeim muni nokkurnt\u00edma takast a\u00f0 gera kvikmynd. Samskipti \u00feeirra vi\u00f0 Hollywood-f\u00f3lki\u00f0 grei\u00f0a ekkert fyrir \u00feeim enda \u00e1 s\u00e1 \u00e1hugi sem fr\u00e6ga f\u00f3lki\u00f0 s\u00fdnir \u00feeim \u00a0ekkert skylt vi\u00f0 vin\u00e1ttu e\u00f0a umhyggju.<\/p>\n\n\n\n

\"\"<\/figure>\n\n\n\n

\u00dea\u00f0 skiptir m\u00e1li a\u00f0 verki\u00f0 er skrifa\u00f0 me\u00f0 \u00fea\u00f0 fyrir augum a\u00f0 tveir leikarar leiki allar pers\u00f3nurnar. Skiptingin \u00far einum karakter \u00ed annan er k\u00f3m\u00edsk en undirstikar einnig \u00fe\u00e1 hugmynd a\u00f0 \u00f6ll s\u00e9um vi\u00f0 n\u00fa ger\u00f0 \u00far sama efninu, \u00fea\u00f0 s\u00e9 l\u00edfsafsta\u00f0a okkar og vi\u00f0br\u00f6g\u00f0 sem gera okkur einst\u00f6k fremur en kyn, aldur og f\u00e9lagsleg sta\u00f0a. Munurinn \u00e1 leikstj\u00f3ranum og draum\u00f3ramanninum sem langar a\u00f0 koma handritinu s\u00ednu \u00e1 framf\u00e6ri, liggur fyrst og fremst \u00ed f\u00e9lagslegri st\u00f6\u00f0u, fasi og framkomu, hvorugur er \u00e1hugaver\u00f0ur listama\u00f0ur \u00fe\u00f3tt \u00f6\u00f0rum hafi tekist a\u00f0 selja framlei\u00f0slu s\u00edna. A\u00f0alleikkonan sem br\u00fdtur ni\u00f0ur \u00fea\u00f0 litla sj\u00e1lfstraust sem ungi \u00f3regluma\u00f0urinn \u00e1 eftir er leikin af sama leikara og \u00feeim sem leikur besta vin hans. Gamli ma\u00f0urinn sem neitar a\u00f0 l\u00e1ta reka sig af sinni eigin j\u00f6r\u00f0 bara af \u00fev\u00ed a\u00f0 hann er fullur \u00e1 t\u00f6kusta\u00f0, er s\u00e1 sami og drengurinn sem st\u00fata\u00f0i s\u00e9r eftir a\u00f0 vera rekinn \u00fat af \u00feorpskr\u00e1nni. S\u00e1 gamli, sem heldur a\u00f0 hann s\u00e9 \u00f3missandi og geti \u00fev\u00ed rifi\u00f0 kjaft, er s\u00e1 sami og tilger\u00f0arlega st\u00falkan sem f\u00e6r a\u00f0 a\u00f0sto\u00f0a vi\u00f0 leikstj\u00f3rn og da\u00f0rar vi\u00f0 \u00feann sem er henni ofar \u00ed vir\u00f0ingarstiganum og \u00e9tur allt upp eftir honum.<\/p>\n\n\n\n

\u00de\u00f3tt sagan sem sl\u00edk s\u00e9 alveg \u00e1g\u00e6t er \u00fea\u00f0 \u00feessi samruni pers\u00f3na sem gerir verki\u00f0 eftirminnilegt og leikur \u00feeirra Hilmis Sn\u00e6s og Stef\u00e1n Karls er fram\u00farskarandi. \u00c9g naut \u00feess virkilega a\u00f0 sj\u00e1 s\u00fdninguna \u00e1ri\u00f0 2000 en skemmti m\u00e9r jafnvel enn betur n\u00fa.<\/p>\n\n\n\n

\n