Galdur vikunnar

Ef ég fengi vinnu við að ydda tréliti, yrði ég rekin samdægurs. Ég brýt blýin á meðan ég ydda. Ég get heldur ekki orðið leigubílstjóri nema þá að sérhæfa mig í óvissuferðum og ég treysti fáum verr en sjálfri mér til að fara með völd. Nánast hvað sem er annað kemur til greina. Halda áfram að lesa

Stara fastar?

Allir vita að brauðið ristast fyrr ef maður horfir á brauðristina. Af hverju gildir það sama ekki um tölvupóst sem maður bíður eftir? Ég er búin að góna á tölvupóstinn í allan dag og ekkert gerist.

Posted by Eva Hauksdottir on 3. mars 2011

Ekkert nýtt

Eva: Ég held svei mér þá að ég sé að skipta um skoðun á þjóðaratkvæðagreiðslum. Kannski bara best að finna einhvern huggulegan einvald.
Hulla: Hvað nú?
Eva: 26% Íslendinga treysta íslenska hernum! 26%!
Hulla: Jæja já? Og er það eitthvað nýtt að fólk treysti fyrirbæri sem er ekki til?

Mér skilst að spurningin eigi við um heri almennt. Hvurslags fávitagangur er þetta eiginlega? Er t.d. reiknað með því að ef Svisslendingur treysti sínum her, treysti líka herjum Bandaríkjamanna og Japana?

Ekki lengur bitur heldur viðkvæm?

Öll mín einlífisár hef ég fengið þau skilaboð að ég sé bitur og örvæntingarfull. Nú þegar ég á mann heyri ég þetta ekki…

Posted by Eva Hauksdottir on 24. febrúar 2011

Þetta er bara svona

Þegar maður flytur á milli landa verða ótrúlegustu smáatriði að vandamálum. Þetta er lítið mál þegar maður á fjölskyldu í nýja landinu sem er búin að komast að öllu sem skiptir máli en töluvert flóknara þegar maður stendur einn. Að sumu leyti er maður bara eins og krakki. Veit ekki hvert á að snúa sér til að leysa einhver smámál. Veit ekki hvað er eðlilegt og líður oftar en ekki frekar heimskulega. Halda áfram að lesa

Atvinnuleit

Nú held ég að ég sé alveg búin að læra þessa setningu:'Det finnes for tiden ingen aktuelle stillinger'

Posted by Eva Hauksdottir on 15. febrúar 2011

Þetta með húfuna

Eins og hann Maggi minn er annars fatfríður maður þá er það þetta með bleiku húfuna… Um daginn týndist hún en hoppinteglan á heimilinu á samskonar húfu, og hann fékk hana bara lánaða í staðinn.

Posted by Eva Hauksdottir on 30. janúar 2011

Sjónin að breytast

Ég er skyndilega orðin fjarsýn, án þess að verða fyrst nærsýn. Ég hélt að fjarsýni væri gamalmennakvilli. Hef ég hlaupið yfir aldursskeið eða er þetta normalt?

Posted by Eva Hauksdottir on 10. janúar 2011

Ekkert svo slæmt

Húsið er stórt, bjart, með gestaherbergi, nægu geymsluplássi, góðum skápum og baðkari og nú erum við komin með olíuofn svo mér varð ekkert kalt í nótt 🙂

Posted by Eva Hauksdottir on 9. janúar 2011

Hlýnaði smá

fékk lambalæri hjá tengdó og húsið er orðið heitt. Nú þarf ég bara að sjá til þess að bleika húfan hans Magga verði fyrir einhverju óhappi til að verða fullkomlea hamingjusöm.

Posted by Eva Hauksdottir on 6. janúar 2011

Koman til Voldu

-26 klst ferðalagi lokið. (Enginn tímasparnaður að taka ferjuna.) -Hitamælirinn sýnir 10 °C -innandyra en ég gat sofið…

Posted by Eva Hauksdottir on 6. janúar 2011

Nýárskveðja

Gleðilegt ár og ég vona að allir hafi átt jafn ánægjuleg áramót og ég og hafi jafn góða ástæðu og ég til að reikna með að árið 2012 verði í alla staði frábært.

Posted by Eva Hauksdottir on 1. janúar 2012

 

Sérfróð um hamingjuna

Mér tókst að lesa heila metsölubók um hamingjuna án þess að finna svo mikið sem eitt smáatriði sem ég vissi ekki fyrir. …

Posted by Eva Hauksdottir on 28. desember 2010