Ástmögur minn kom ekki til dyranna eins og hann var klæddur þegar ég bankaði upp á kl 8:20 í morgun. Enda er hann prúðmenni og óvíst að viðkvæmar sálir á leið til vinnu hefðu tekið því með æðruleysi að þurfa að berja karlmennsku hans augum á stigaganginum svo árla morguns. Hann á ekki slopp og kom því fram þokkalega úfinn með handklæðisbleðil fyrir sínu allra helgasta. Halda áfram að lesa
Greinasafn fyrir flokkinn: 2. hluti Tímavillti Víkingurinn
Vinalínan
Sonur minn Kærleiksblómið er hættur í skóla (enda er aðalmarkmið grunnskólans að kvelja hann persónulega með ýmsum tilgangslausum námsgreinum sem hvorki tengjast landbúnaði né tónlist) og búinn að fá sér vinnu. Hann svarar í símann hjá vinalínunni. Halda áfram að lesa
Þorrablót
Grænmetisætur eru merkilegur og viðkvæmur þjóðfélagshópur sem nauðsynlegt er að njóti ýmissa forréttinda, skilnings, verndar og samúðar. Ólíkt alkóhólistum, sjálfsvorkunnarsjúklingum og öðrum aumingjum sem standa í þeirri staðföstu trú að frumtilgangur veraldarinnar sé sá að hlaupa eftir duttlungum þeirra, hefur þessum merkilega hópi tekist að telja þorra þjóðarinnar trú um að sjálflægni þeirra sé rétt, góð og heilsusamleg og að þar með eigi allir að snobba fyrir sérþörfum þeirra. Þannig er t.d. engu líkara en að það þyki eitthvað fínt að vilja ekki kjöt en hinsvegar nánast dónalegt að vilja ekki tómata. Halda áfram að lesa
Leigusál
Eva: Viltu leika við mig eftir vaktina?
Bruggarinn: Leika við þig? Hvað viltu gera?
Eva: Við leikum að ég sé Djöfullinn. Þú selur mér sál þína á fimmhundruðkall og þar með verður þú að gera allt sem ég segi þér.
Bruggarinn: Ertu klikkuð? Ég sel ekki sál mína á fimmhundruð kall, ég vil fá fimmtánhundruð. Halda áfram að lesa
Angur
Um áramótin ákvað ég að þetta ár ætlaði ég að gera allt sem mig langaði og ekkert sem ég vil ekki en það er ekki alltaf eins einfalt og ætla mætti. Halda áfram að lesa
Hvítir hrafnar
Farfuglar koma alltaf aftur. Maður veit bara aldrei hvenær. Haffi hringdi í mig. Ekki trúnaðardrukkinn undir miðnætti laugardagskvöldi og bara ekki að meika það að vera einn í nótt, heldur edrú kl. 20.15 á miðvikudegi. Halda áfram að lesa
IDOL
Heyrði brot úr útvarpsviðtali við vesælt vonnabí áðan. Eitthvað á þessa leið:
Jú sko, það sem er erfiðast við þetta er að það nottla vita allir hver maður er og mér finnst alveg geðveikt pirrandi þegar fólk er alltaf að koma til mín og eitthvað að tala við mig. En þetta er bara hluti af pakkanum og maður tekur því bara og sko mér finnst bara gegt gaman þegar krakkar eru að stoppa mig úti á götu og tala við mig, ég meina það er bara ógisla sætt. Halda áfram að lesa
Blæti
Ég er líklega haldin lúserablæti. Mig dauðlangar að æða út í sjálfrennireið mína og stoppa hana fyrir framan blokkina sem ég bjó í á námsárum mínum forðum daga. Hef oft tekið Rósu frænku með í heimsókn til Haffa en honum var venjulega alveg sama þótt kerlingarhexið meinaði honum aðgang að helgidómnum svo framarlega sem hann fékk að drekka sína 6 bjóra án athugasemda og ég lofaði að fara ekki frá honum fyrr en hann væri sofnaður. Halda áfram að lesa
Musterisrolla
Í dag átti ég erindi í musteri Mammóns á Suðurlandsbrautinni. Ég fékk nefnilega sent gult blað um daginn. Mér skilst að það sé einhverskonar bænaskjal um að láta musterið njóta góðs af veraldlegum auðæfum mínum. Halda áfram að lesa
Djöfullegt plott
Eins og flestum vinum mínum og ættingjum mun kunnugt um þarf karlmaður að uppfylla ýmis skilyrði til þess að ég verði ástfangin af honum. Þau helstu eru eftirfarandi: Halda áfram að lesa
Tékklisti ritningarinnar
Skrattinn virðist vera skriðinn inn í sauðalegginn aftur. Allavega er ég með berkjubólgu og það er hvimleitt þótt það geti ekki talist veikindi. Ég er að velta því fyrir mér hvort ég hafi eitthvað klikkað á fyrirheitnum illvirkjum. Ágætt að boðorðin eru sett upp eins og tékklisti. Halda áfram að lesa
Særingar
Í gær fór ég til læknis sem tjáði mér að þar sem ég væri haldin ógeðspestinni virus diabolus (sem útleggst á íslensku „djöfulleg veirusýking“ eða „víruð djöflapest“) væri ekkert hægt að gera í málinu nema gúlla í mig íbúfeni og parkódíni, halda mig undir sæng fram að helgi, jafnvel framyfir helgi ef parkófenið dygði ekki til og láta „einhvern“ stjana við mig. Ég skyldi svo hafa samband á mánudaginn ef ég yrði ekkert skárri. Mæess, einhvern, þekkið þið „einhvern“ sem hefur ekki nóg að gera við að vinna fyrir jólavísunni og stjana við sitt eigið slekti? Halda áfram að lesa
Toddý
Synd og skömm. Þegar ég kom út á vídeóleigu í gær var mér tjáð að menningarþættirnir fútbollers vævs væru ekki til á myndböndum eða diskum. Er’ða nú hallæri! Halda áfram að lesa
Sjúkt og rangt
Ligg í djöfullegri hálsbólgu, sjálfsvorkunn, veikindakvíða, blankheitakvíða og öðrum aumingjaskap. Sé ekki vott af þessu guðlega réttlæti hennar Spúnkhildar í því að ég veikist. Ég hef alltaf verið góð stelpa og á ekki skilið að veikjast. Þetta er sjúkt og rangt. Halda áfram að lesa
Þar til allt er búið
-Mamma; er það ekki rétt skilið hjá mér að það verði enginn matur keyptur fyrr en allt sem er til er búið? kallaði sonur minn síðgelgjan fram úr eldhúsinu. Halda áfram að lesa
Galdraeldhús
Ég á galdraeldhús. Það fyllist af mat jafnóðum og það tæmist, án þess að ég þurfi að gera stórinnkaup. Fyrir jólin fengum við t.d. sent alvöru kjöt og annan sveitamat til marga vikna norðan úr Skagafirði. Halda áfram að lesa
Andlegt ástand eða bara drasl?
Ef eitthvað er að marka þá kenningu að umhverfi manns endurspegli sálarástandið þá hlýt ég að vera frekar veik á geðinu núna. Eða allavega þunn, flokkast þynnka ekki annars sem „sálarástand“? Ég á alltaf svo erfitt með að greina sundur anda, sál, geð og líkama. Halda áfram að lesa
Long time no see
Besti matsölustaður í bænum er terian í IKEA. Allavega er besta verðið þar. Og besta Spúnkhildur í heimi borðar stundum þar með mér í hádeginu. Svo er líka hægt að kaupa útsöluglös á leiðinni út. Halda áfram að lesa
Útsala
Ég fór á útsölur í dag. Tók systur mína Anorexíu með þar sem hún stóð á því fastar en fótunum að hún þekkti allar tískubúðir höfuðborgarsvæðisins og aftók með öllu að það væri nokkuð hæft í því að fatnaður í mínu númeri og með sniðum sem henta mér sé einfaldlega ekki til. Halda áfram að lesa
Tímaflakkarinn
Afjólun híbýla minna gengur frekar treglega. Þ.e.a.s. ég er ekkert byrjuð að taka niður ennþá. Ætlaði að gera það í gær en það er eins og vant er; það slítur gjörsamlega í sundur fyrir manni daginn að þurfa að mæta í vinnu. Halda áfram að lesa