Ég yrði leiðinlegur sjúklingur. Þarf ekki annað en smá slappleika til kalla fram í mér megna gremju. Mér finnst beinlínis ósanngjarnt að ég verði lasin. Var orðin hress undir kvöld og druslaðist á borgarafund.

Almennt er ég frekar hrifin af fasískri fundastjórn, það er bara svo miklu skilvirkara ef hægt er að hemja umræður um eitthvað sem kemur efni fundarins ekkert við, en fyrr má nú pota en rota. Held að fólk verði bara að horfa á sjónvarpið á miðvikudagskvöld til að sjá hvað ég á við.

Ég er annars hætt við að birta berrassamyndir af mér á blogginu. Ég er búin að sjá að ég þarf ekkert að fara út í svoleiðis aðgerðir til að svala athyglisfýsn minni. Grímur kíkti allavega á sápuóperuna 18 sinnum í dag og vitleysingur sem sendi hótunarpóst á netfang Saving Iceland fyrir nokkrum vikum er farinn að tjá sig á moggablogginu mínu. Ég lifi á áhugaverðum tímum.

Annars rann það upp fyrir mér núna áðan, þvert á það sem ég hef hingað til haldið, að kaffi er í eðli sínu vondur drykkur. Mér varð það á að súpa af kaffibolla í myrkri og það er bara mjög undarleg upplifun.