Sæll gamla ógeðið þitt

Þú ert líklega að bíða eftir að ég sendi þér ástarbréf á nafnlausa netfangið þitt. Ef þú værir svo hugaður að segja til nafns, þá myndi ég nú sjálfsagt afgreiða þetta erindi með tölvupósti en fyrst þú endilega vilt ósmekklegheit þá geturðu svo sannarlega fengið þau.

Ég vil fyrst taka fram að ég er ekkert hrædd við þig, magaskríðandi pungrottan þín. Bara pirruð á því að jafn ómerkilegt skítseiði skuli ímynda sér að ég láti það komast upp með að angra mig. Sérstaklega þar sem ég hef rökstuddan grun um að þú sért sá hinn sami tussusnúður og ónáðaði Miriam í fyrrasumar. Eiturpöddur og ógeðskríp eiga það nefnilega sammerkt með raðmorðingjum að vinna eftir mjög ákveðnu mynstri. Munurinn er sá að holræsadraugur af þínu tagi gæti ekki framið neinn alvöru glæp. Þú myndir skíta upp á bak og niður undir hnésbætur af hræðslu áður en verkið væri hálfnað. En tökum nú aðeins upp jávæðara tal því allt hefur sínar ánægjulegu hliðar, segja þeir. Það sem mér finnst semsé skemmtilegast við þetta mál er að sjá hvað þú ert ofmetur gáfur þínar hrapalega. Það gleður mig alltaf að sjá samband milli skítakarakters og heimsku því aðeins gáfaðir skíthælar eru færir um alvöru illvirki.

Hélstu að ég sæi ekki í gegnum þig, þrívíddarkúkurinn þinn? Hélstu í alvöru að þú gætir ruglað í mér með því að nota sömu undirskrift og samviðbjóður þinn sem ofsótti vinkonu mína árum saman? Og dettur þér í hug að ég hafi ekkert lært af hennar reynslu? Heldurðu að ég ætli að gera sömu mistök og hún, að reyna að fara faglega leið til að losna við þig? Hvað hélstu að ég myndi gera? Fara að gráta? Eða hringja á lögguna?

Og heldur þú virkilega, endaþarmstottandi ódámurinn þinn að ég sé svo vitlaus að sjá ekki samhengið? Voða dularfullt að ógeðspadda skyldi að taka upp á því að hringja einmitt þegar Alexander hætti í búðinni og slitnaði upp úr milli mín og kærastans. Nei, sjálfsagt er það ekkert dularfullt. Gráðostaþefjandi heiladingullinn á þér hefði auðvitað lyppast niður af viagrastandpínunni ef karlmaður hefði svarað í símann. Og voða skrýtið að þú skulir fara aftur á kreik núna um mánaðamótin, einmitt þegar sá fyrsti sem myndi taka þig að sér er ekki í neinni aðstöðu til þess. Ojosussuskinnið, þú ert náttúrulega þessi mannsorpstýpa sem heldur sig á mottunni rétt á meðan einhver sterkari en þú er í kallfæri.

Fyrstu dagana hélt ég að þú myndir fljótlega hætta að nenna þessu en þú hefur greinilega meiri þolinmæði í svona rugl heldur en ég. Þessvegna, rassgarnarblæðandi hlandbelgurinn þinn, er ég búin að setja nefnd í málið og sú nefnd hefur litla þolinmæði í pappírsvinnu. Mér þykir leitt að þurfa að ónáða gott fólk fyrir svona skítaverkefni en nefndin tók málið að sér með mikilli ánægju.

Svo, gessovel. Haltu bara áfram.
Þú ert nú meiri sorglegi asninn.