Þegar ég er á djöfull-fyrirlít-ég-konseptið-stiginu (mér er alls ekkerti illa við karlmenn sem einstaklinga, það eru bara erkitýpurnar sem ég hef óttalegt ógeð á) skoða ég gjarnan prófíla á þeirri merku stefnumótasíðu einkamal.is, bara svona til að fá staðfestingu á þeim rétttrúnaði mínum að ég sé betur komin án eintaks af þessari merkilegu dýrategund. Í dag rakst ég á einn dásamlegan. Karl sem er að leita að konum sem vilja stofna með honum dildóklúbb sem myndi hittast einu sinni í viku eða mánuði.

Mér finnst hugmyndin athyglisverð svo ekki sé meira sagt. Hvað gerir fólk eiginlega í dildóklúbbi? Ætli það komi saman og ræði um mismunandi gerðir dildóa? Kannski einhver sem heldur stuttan fyrirlestur og sýnir glærur? Þetta eiga kannski að vera hagsmunasmtök sem berjast fyrir lækkun tolla á kynlífsleikföngum (eða allavega gervilimum :-Þ ). Eða koma konurnar með dildóana sína á staðinn og leyfa hver annarri að prófa? Hvaða hlutverki skyldi karlinn þá gegna á þessum fundum? Sér hann um að skipta um rafhlöður? Kannski hugmyndin sé sú að konurnar komi hver með sinn sköndul og skaufabelti og prófi dótið á gaurnum. Mætti segja mér að hann yrði þá nokkuð þrekaður undir miðnætti ef hann nær saman stórum klúbbi kvenna.

Stefán benti mér á möguleikann á að deildaskipta svona félagi ef það yrði mjög stórt. T.d. væri hægt að hafa sérdeild fyrir þær sem hrífast af rafknúnum gleðipinnum.

Eitt er allavega gefið; svona klúbbur getur ekki heitað neitt annað en Dindilhosan.