Karl Guðmundsson, maður sem hefur þýtt ekki ómerkara skáld en Seamus Heaney, líkir mér við Þorstein Erlingsson. Ég vissi að hann hefði álit á mér því hann hefur hringt í mig hvað eftir annað og spurt hvort bókin mín sé ekki að koma í búðir. Ég er farin að örvænta um að hún komi nokkuð fyrir jól því sendingin lenti á einhverju flakki á leiðinni frá Ameríku. Halda áfram að lesa
Mánaðarskipt færslusafn fyrir:
Sefurðu hjá gerpinu?
Sefurðu hjá gerpinu? spurði Endorfínstrákurinn en hljómaði hreint ekki eins og hann væri ánægður með þá hugmynd.
-Nei það geri nú ég ekki. Ekki enn að minnsta kosti. Og leitt að tilkynna þér það elskan en hann er bara hreint ekkert gerpi, sagði ég. Halda áfram að lesa
Árekstur
Byrjaði daginn á umferðaróhappi. Spjátrungur nokkur í D-lista múnderingu renndi aftan á mig á biðskyldu. Sem betur fer var þetta í morguntraffíkinni og sökum vegavinnu, myrkurs, umferðarþunga og hálkubletta var hraðinn á báðum bílunum lítill. Engin meiðsl á fólki og aðeins smávægilegur skaði á bílunum, ég sá ekki betur en að þetta væri nokkuð góður árekstur, ef hægt er að nota það orð um eitthvað sem er í eðli sínu óheppilegt. Halda áfram að lesa
Skapgerðareyðni
Manni kemur það náttúrulega ekki við. En samt hlýtur maður að segja eitthvað. Alveg eins og maður segði eitthvað ef þú ækir á ofsahraða í hálku á sumardekkjunum og ekki í bílbelti. Af því að manni kemur það eiginlega pínulítið við þegar fólk tekur áhættu sem stofnar lífi þess og annarra í voða. Halda áfram að lesa
Ekki hætt að blogga
Nei. Ég er ekki alveg hætt að blogga og það er röng tilgáta hjá þér systir mín góð að ég sé dottin í ástina. Að vísu er ég búin að finna bólfélaga en hef því miður ekki varið nema 2 klst með honum ennþá. Halda áfram að lesa
Upplýst ákvörðun
Tók, gangstætt heilbrigðri skynsemi, upplýsta ákvörðun að forfæra tiltekinn ungan mann í kvöld. Tafðist þar sem sonur minn námshrossið þurfti að láta lesa yfir fyrir sig ritgerð. Ætlaði samt að halda planinu þótt væri framorðið þegar lestrinum lauk. Fann þá ekki símanúmerið. Býst ekki við að hann sé í skránni en veit heldur ekki föðurnafnið eða heimilisfangið. Halda áfram að lesa
Ostagerðarpælingar
Úps! Maður vanrækir bloggið í 2 daga og þá er bara svo margt búið að ske að maður kemst ekki yfir að skrifa um það.
Hitti Húsasmiðinn í gær og við kláruðum að ganga frá fjármálunum. Kom betur út fyrir mig en ég átti von á svo ég sé fram á að 1. des. reddist eftir allt saman. Halda áfram að lesa
Prófíll
Er búin að sjá þennan lista á grilljón bloggsíðum og ákvað að afrita hann. Lesendur mínir eru orðnir svo vanir því að ég sé spes að ég verð af og til að gera eitthvað klisjukennt til að koma á óvart. Halda áfram að lesa
Hugleiðing um rottur
Ég veit að pínulítil, viðbjóðsleg rottusál hangir langtímum á sápunni minni. Nei, ég er ekki þessi týpa sem leggur sig niður við að rekja ip tölur. Auk þess hef ég engan tíma í svoleiðis bull. Ég fékk þetta bara staðfest fyrir tilviljun. Halda áfram að lesa
Punktur
Kennaraverkfall brostið á aftur. Æææææææææææ! Og hvert leitar hún þá til að fá gæslu fyrir barnið? Að sjálfsögðu til einhvers sem væri vís með að útvega parketnagla í leiðinni. Snjallt að láta gemlinginn gista. Gæti vakið djúpstæðari kenndir en löngun til að skjótast í Húsasmiðjuna eftir parketnöglum. Halda áfram að lesa
Hallærislegt
Ég hef velt því fyrir mér hvað geri það að verkum að fólk orkar á mann sem „hallærislegt“. Í mínum huga felst hallærisleiki fyrst og fremst í þessum litlu hlutum sem fólk segir og gerir til þess að reyna að fela sig en koma í rauninni upp um ömurlega sjálfsmynd. Halda áfram að lesa
Pervasjónir mínar
Mér hefur borist tölvupóstur frá manni sem heitir því óvenjulega nafni Big-X. Sá las einhversstaðar á þessari síðu eitthvað um að ég teldi pervasjónir gefa lífinu lit og nú langar hann að fá nánari upplýsingar um pervasjónir mínar og tækifæri til að láta drauma mína rætast. Halda áfram að lesa
Til hamingju þú ert afburðagreind
Í morgun tók ég greindarpróf á netinu. Í niðurstöðu segir að ég sé hinn mesti snillingur og það kom ekki á óvart þar sem prófið er svo létt að það hlýtur að vera hannað fyrir krakka eða hálfvita. Halda áfram að lesa
Vettvangsrannsókn
Vettvangsrannsókn á heimili vonbiðils míns (ekki annars þeirra sem mættu í Perluna) leiddi eftirfarandi í ljós: Halda áfram að lesa
Deit í kvöld
Jæja stelpur, allar að krossa fingur fyrir Evu. Ég er að fara að hitta mann í kvöld. Veit ekki mikið um hann en hann er allavega sætur, a.m.k. á mynd. Á 3 börn sem er mikill kostur og það sem meira er, þau eru hjá honum, allavega í kvöld. Ég er ekki ennþá búin að spyrja hann hvort það sé bara tilviljun að hann sé með þau í miðri viku eða hvort þau búi hjá honum. Halda áfram að lesa
tja
-Það gengur fjöllunum hærra að þið Bruggarinn séuð nánast orðin par, sagði Spengilfríður þegar ég mætti í vinnuna í kvöld.
-Já, ég hef heyrt það líka en það reyndist bara hin mesta lygi, svaraði ég.
-Mér finnst að þið ættuð að gera alvöru úr því, það er kominn tími á að eitthvað gerist í ástamálum á þessum vinnustað, sagði hún. Halda áfram að lesa
Vonbiðlar prinsessunnar
Samanlagður aldur umsækjenda reyndist 118 ár eða svo hélt ég í fyrstu. Nú er ég hinsvega búin að fá staðfest að annar þeirra laug til um aldur, er 10 árum eldri en hann sagði mér. Meðalaldur aðdáenda minna er sumsé 64 ára. Það er náttúrulega ekki að marka því annar þeirra er aðeins 55. Lítil, falleg ullarhúfa sat í salnum þegar ég kom og gjóaði á mig augum en gaf sig ekki að mér. Halda áfram að lesa
Perlan í dag -ekkert grín
Yfir mig rignir tölvupósti frá mönnum sem vilja ólmir fá að hitta mig en virðast ýmist hafa misst af bloggfærslu minni frá síðasta föstudegi eða ekki hafa tekið mig alvarlega. Haldið þið að ég sé einhver grínari eða hvað? Auðvitað verð ég í Perlunni. Ég er búin að segja það og ég stend við það sem ég segi.
Þá er komið að því
Þá er nú bara komið að því að Eva verði sér úti um eigulegan mann. Eða í versta falli frambærilegan bólfélaga. Eftir nokkra klukkutíma, nánar tiltekið kl. 14:00 í dag, mun ég taka á móti vonbiðlum mínum á kaffiteríu Perlunnar. Að vísu var dálítið vesen að finna miðavél (svo menn geti tekið númer) en það hafðist á endanum og ég er búin að finna 3 þrautir sem umsækjendum í hvorum flokki (bólfélagaflokki og kærastaflokki) verður uppálagt að leysa. Halda áfram að lesa
Í lausu lofti
Líf mitt er einhvernveginn ekkert.
Ég er í allt of dýru bráðabirgðahúsnæði, sef með Byltingunni og Sykurrófunni í herbergi. Það stendur til bóta því ég fæ íbúðina mína afhenta um mánaðamótin en á meðan þetta ástand varir get ég ekki boðið fólki heim og mér líður ekki eins og ég sé heima hjá mér.
Ég er í bráðabirgðavinnu. Mér líður að vísu vel þar en launin duga fjölskyldunni ekki til framfærslu nema með ofboðslegri yfirvinnu. Hef mig samt ekki í að sækja um eitthvað almennilegt og langar ekki einu sinni til þess. „Hvað ertu eiginlega að gera hér, manneskja með alla þessa menntun?“ spyr samstarfsfólk mitt forviða og ég get ekki útskýrt hvað er að því ég skil það ekki sjálf.
Ég er makalaus, á ekki einu sinni fastan bólfélaga. Sef hjá Rikka af og til en það er ekkert meira og engin regla á því. Dauðlangar í mann en makaleit mín hefur verið frekar ómarkviss hingað til. Er reyndar enganveginn tilbúin í sambúð enn en mig vantar kærasta. Einhvern sem er meira en bólfélagi.
Ég hef ekki skrifað neitt nema dagbók lengi og er ekki að gera neitt uppbyggilegt.
Ég verð að taka mig saman í andlitinu og gera eitthvað við líf mitt. Bara verð.