Heimskan er vond

Það er þetta sem ég á við þegar ég tala um að það þurfi að uppræta heimsku. Lesið það sem sumir bloggaranna hafa um þetta mál að segja. Hvað vill hún út? Er ekki í lagi með ykkur fíflin ykkar?

Óháð því hvort væri nokkurt réttlæti í því að láta morðingja ganga lausan, óháð því hvort manneskjan er hættuleg eða ekki, þá er með ólíkindum að til skuli vera fólk sem er nógu víðáttuvitlaust til að skilja ekki þörf mannsins fyrir frelsi.

Hvað ætlar hún að gera við frelsi?
Það sama og þú, hálfvitinn þinn.
Fara í gönguferð, fleyta kerlingar, sitja á kaffihúsi, skoða í búðarglugga, kjá framan í smábörn, stjórna því sjálf hvenær hún fer á fætur og í rúmið, hanga á netinu, velja matinn sinn sjálf…

Við getum umborið fáfræði og greindarskort. Hvorttveggja hefur ákveðna hættu í för með sér en fólk getur verið ágætis manneskjur þótt það haldi að sé heppilegt að skvetta vatni á brennandi rafmagnstæki. Það má endalaust deila um réttmæti refsinga en það hættulegasta við heimskuna er einmitt þetta; að hafa ekki lágmarks skilning á mannlegu eðli. Að skorta hæfileika eða vilja til að setja sig í spor annarra. Það er það sem gerir fólk að vondum manneskjum.

Share to Facebook