Þú líííkaaa, nananananana!

Æ, hvað það hlýtur að vera sæt hefnd fyrir málfarshroðbjóðana hjá Fréttablaðinu að geta potað smávegis í Davíð Þór. Hljómar svona dálítið eins og þegar krakki sem hefur verið margskammaður fyrir að klína kexkremi í sófann, stendur mömmu sína að því að fara með kex inn í stofu.

Sorrý Stína, það er einfaldlega hægt að gera meiri kröfur til ritaðs máls í dagblaði en beinnar sjónvarpsútsendingar, ég tala nú ekki um þegar þátturinn einkennist af hraða og spennu. Kannski hefði Fréttablaðið efni á að ráða prófarkalesara ef blaðið væri selt þeim sem kæra sig um það í stað þess að því sé troðið í póstkassa hjá fólki sem er margbúið að frábiðja sér heimsóknir blaðbera og annarra rusladreifenda.

Ég legg til að Fréttablaðið verði lagt í eyði, ásamt Moggablogginu og Kópavogi. Og Framsóknarflokknum.

Deildu færslunni

Share to Facebook

1 thought on “Þú líííkaaa, nananananana!

  1. ————————————————–

    Færð mitt atkvæði.

    Posted by: Gillimann | 13.03.2007 | 19:17:47

    ————————————————–

    Sammála.

    Posted by: jón Kjartan Ingólfsson | 13.03.2007 | 23:13:34

    ————————————————–

    hvaða skítamórall er þetta útí uppeldisstöðvar mínar, Kópavoginn?

    indælisbær alveg hreint.

    Posted by: baun | 14.03.2007 | 8:24:11

Lokað er á athugasemdir.