Innst inni …

Feitabollan sívinsæla Sigurjón digri, gekkst í dag undir skurðaðgerð á stórutá. Mun ástæðan vera sú að látinn tvíburabróðir Sigurjóns, Gúllimann gildi, hafði tekið sér bólfestu í aukatá sem Sigurjóni hafði vaxið hin síðari ár og var tekinn upp á því að éta í gegnum hann.

„Innst inni hef ég aðeins tíu tær en Gúlllimann var farinn að vaxa út úr stórutá. Ég hefði  sko samt alveg leyft Gúllimann bróður að hanga á löppinni ef hann væri ekki svona helvíti ódannaður í veislum. Það er svolítið svona ósmekklegt að vera með lappirnar uppi á borði í fermingarveislum og hann tók engu tiltali, þannig að það var ekki um annað að ræða en að kötta á hann“ sagði Sigurjón í viðtali við Pistilinn.

Sigurjón segist þrátt fyrir allt vera þakklátur fyrir að hafa fengið að kynnast Gúllimann en hann náði upphaflega sambandi við hann í gegnum samskiptavefinn facebook sem að sögn Sigurjóns virkar mun betur en andaglas.

táneglurSigurjón digri gekk undir nafninu Grjóni spaghetti áður en Gúllimann bróðir tók upp á því að neyða hann til að gúlla í sig mat. Hér eru þeir bræður í náttfatapartýi og búnir að éta gestgjafann út á gaddinn.

Láki til liðs við hreyfinguna

LákiFyrrum þingmaður Sjálfstæðisflokksins Láki Snjákason, jarðálfur er genginn til liðs við Hreyfinguna. Láki tilkynnti þessa ákvörðun sína á blaðamannafundi í morgun.

„Ég var bara orðinn gjörsamlega hugmyndalaus og hættur að hafa gaman af því að gera öðrum illt, svo mér datt í hug að prófa að gera eitthvað sem gott er og fallegt“ sagði þingmaðurinn í samtali við Fréttastofuna.

Fyrsta góðverk Láka á þingi var að leggja fram frumvarp um friðun apa á þingi en eftir að Hreyfingin náði að hasla sér völl, hefur hlutfall bavíana og annarra apakatta snarlækkað á Alþingi og hafa stjórnmálaskýrendur lýst yfir áhyggjum af því að með sama áframhaldi gæti farið svo að Ísland verði ekki lengur talið til bananalýðvelda á alþjóðavettvangi.

Viti rökhyggju og skynsemi

Nýlegar rannsóknir hafa leitt í ljós að Framsóknarflokkurinn er, þvert á það sem áður hefur verið talið, viti rökhyggju og skynsemi.

Skýringin á þessari óvæntu niðurstöðu mun vera sú að Framsóknarflokkinn skipa nú orðið nógu margir fávitar til að mynda samanlagt einn vita en lengi vel voru þeir ekki fleiri en svo að flokkurinn rétt slagaði upp í það að teljast hálfviti.

Eldhressar framsóknarkonur fagna inntöku
Jónínu Ben í flokkinn

Sérstök sæti fyrir blámenn og fatlaða

Tónlistarhúsið Harpa hefur komið upp sérstakri sætaröð þar sem engin sæti eru. Þessi sætalausa sætaröð er ætluð „blámönnum og fatafólum“.

„Við viljum fyrir alla muni bjóða blámenn velkomna eins og aðra fatlaða en það hefur komið á daginn að blámenn kunna illa við sig innan um fólk. Þeir eru vanir því að húka á hækjum sér greyin og finnst oft eins og þrengt sé að þeim ef þeir sitja í sætum fyrir eðlilegt fólk, það fer því best á því að þeir sitji í hjólastólastæðum“ sagði einn af stjórnarmönnum Hörpunnar á blaðamannafundi sem haldinn var í tilefni framtaksins.

Þótt blámenn séu velkomnir í Hörpu er þeim engu að síður uppálagt að vera í fötum á meðan á heimsókn stendur.  Þessi leiðbeiningamynd hangir við innganginn að sætaröðinni sem ætluð er blámönnum og hreyfihömluðum en aðrar sætaraðir í húsinu eru ætlaðar fólki.