Gullsnúðar

Einar er að baka lúsíuketti.  Þetta eru snúðar sem eru vafðir frá sitthvorum enda lengjunnar í sitthvora áttina eins og S. Mér sýnast þetta nú bara vera venjulegir snúðar fyrir utan lögunina en hann ætlar að sannfæra mig um að saffran sé eitthvað merkilegra en kanelsykur. Það er miklu dýrara en nokkurt annað kyrdd sem ég hef heyrt um sem ekki er vímuvaldandi en ég hef efast um að það sé peninganna virði. Finnst kanelsykur bara alveg ágætis bragðbætir í snúða. Birti niðurstöður fyrir svefninn.

Uppfært:

Ég hef reyndar heyrt um ríkukalla sem krydda kjöt með gulli en ekki um neinn sem kryddar sætabrauð með reykelsi og myrru. En það staðfestist hér með að kanill er betri en saffran.

 

Út í djúpu laugina

Prófessorinn gerði mér tilboð sem ég gat ekki hafnað. Íbúðin hans losnaði fyrsta desember og hann bauð mér að flytja inn og hafa afnot af bílnum sínum þar til hann kæmi til landsins um miðjan mánuðinn. Við myndum eyða jólunum saman og sjá til hvernig það kæmi út. Halda áfram að lesa

Eitt fatt

-Hvað er að? spurði Bjartur.
-Ekki spyrja nema vera viss um að þú viljir heyra svarið, sagði ég drungalegum róm.

Einhverntíma hefði það nú líklega dugað til að hræða karlmann frá því að spyrja nánar en af einhverjum ástæðum, sem ég ekki skil, er Bjartur ekkert voðalega hræddur við mig. Sem er náttúrulega ekki nógu gott. Nema oftast. Ekki í svona tilfelli samt. Halda áfram að lesa

Rútína í sjónmáli

Jæja Þorgeir var að hringja frá A-s. Allar líkur á að ég geti byrjað að kenna 24. okt. 90% sagði hann. Þýðir að ég verð föst á Íslandi til 14. desember, Samt fyllir það mig ekki neinni öryggistilfinningu, ég er þvert á móti að fyllast kvíða. Ég er líka í krísu út af köttunum. Sagði Þóru að ég stefndi á að taka þær aftur um mánaðamótin okt-nóv. Var einhvernveginn svo viss um það þá að allt yrði komið á hreint.

Auk þess er ég á vergangi. Hef það fínt hjá Stefáni en hafði nú ekki hugsað mér að hafa vetursetu.

Þarf að snúa mér að galdri aftur. Hef ekki sinnt kukli í marga mánuði. Auk þess væri ég til í að hýða einhvern. Ég veit bara ekki hvern.

 

Og þessvegna skapaði Gvuð photohop

 

Myndirnar týndar

 

kroppuð.jpg Eva1_grill_pp kropp.jpg
…………..Algerlega ósjoppuð…………………… Þokkalega sjoppuð……………

Í alvöru talað, hvað er svona æðislegt við þetta vaxmyndalook? Og trúir nokkur á það hvort sem er? Kannski þetta sem átt er við með sjoppulegu útliti?

Ein tilgáta. Bara tilgáta, ég hef ekki skoðað þetta vel. En mig grunar að það þyki síður ástæða til að helsjoppa karla en konur.

(Ingólfur Júlíusson myndaði og sjoppaði (og flissaði á meðan hann sjoppaði))

Bætt við 14. okt:

Eva1_grill lítil.jpg
Hér er bara búið að eiga við litinn. Mér finnst hún best.

—–

Umræður um færsluna

Mér finnst nú eiginlega nauðsynlegt að það komi fram hér, að ófótósjoppaða myndin höfðar mun meira til mín. Mér finnst þú miklu sætari á henni, með broshrukkurnar og náttúrulega geislann úr augum.

Posted by: Kristín | 13.10.2011 | 16:12:13

Geisla augun ekki meira á sjoppuðu myndinni? Ég er ekki hrifin af þessu vaxbrúðuútliti. Þótt sjoppaðar myndir sýni fallegri útgáfu af fólki finnst mér ekki sannfærandi að sjá fólk á fimmtugsaldri með lýtalausa húð og er hissa á því að fólk skuli ekkert vera orðið leitt á þessu.

Posted by: Eva | 13.10.2011 | 18:03:29

Maður hefur nú alveg hitt einhvern sem lítur betur út á mynd en í raun og veru. Betra að koma á óvart í hina áttina.

Posted by: GK | 13.10.2011 | 23:00:34

Tek undir með Kristínu.

Posted by: Einar Steinn Valgarðsson | 14.10.2011 | 7:33:58

Á seinni myndinni er búið að jafna út liti – sú fyrri er öll daĺítið rauðleit (a.m.k. á skjánum hjá mér)- auk þess sem hún er skarpari. Sérstaklega þykja mér augun eðlilegri og líflegri á seinni myndinni.

Hins vegar er ég ekki hrifin af hrukkusléttingum og slíku með photoshop, hvað þá þegar heilu líkamspartarnir eru færðir ofar eða neðar eða fjarlægðir með öllu. Að fjarlægja bólu eða sár finnst mér í lagi, og ekki meiri fölsun en að nota hyljara eða meik á brúðkaupsmyndinni.

Posted by: Tinna Gígja | 14.10.2011 | 9:09:14

Á seinni myndinni er búið að jafna út liti – sú fyrri er öll daĺítið rauðleit (a.m.k. á skjánum hjá mér)- auk þess sem hún er skarpari. Sérstaklega þykja mér augun eðlilegri og líflegri á seinni myndinni.

Hins vegar er ég ekki hrifin af hrukkusléttingum og slíku með photoshop, hvað þá þegar heilu líkamspartarnir eru færðir ofar eða neðar eða fjarlægðir með öllu. Að fjarlægja bólu eða sár finnst mér í lagi, og ekki meiri fölsun en að nota hyljara eða meik á brúðkaupsmyndinni.

Posted by: Tinna Gígja | 14.10.2011 | 9:10:29

Mér finnst líka í lagi að eiga við litinn þegar birtan er þannig að húðliturinn virðist óeðlilegur. En þegar allar hrukkur eru farnar, þá lítur maður samt ekkert út fyrir að vera tvítugur. Fótósjoppað miðaldra fólk lítur ekki út eins og unglingar heldur eins og fótósjoppað miðaldra fólk. Rétt eins og unglingsstrákar með skegg líta ekki út eins og fullorðnir menn, heldur einmitt eins og unglingar með skegg.

Posted by: Eva | 15.10.2011 | 10:50:27

Ég er líka sammála með litajöfnunina, hún er í fínu lagi. Hins vegar skil ég ekki þessa hrukkufælni nútímans.. hvað er svona hræðilegt við að vera með hrukkur? Get svosem skilið ef að hálfþrítugt fólk er komið með hrukkur á við ellilífeyrisþega að það vilji láta slétta aðeins úr sér, en það er frekar sjaldgæft.

Ég er farin að taka sífellt meira eftir „vaxbrúðu“útlitinu í blöðum og tímaritum. Mér finnst það oft drepa niður allan persónuleika.

Posted by: Rebekka | 17.10.2011 | 6:19:58