Ég hvet alla sem er annt um heilbrigði þjóðarinnar til að kjósa Frjálslyndaflokkinn í komandi alþingiskosningum. Við Íslendingar erum gífurlega hraust þjóð (og harðdugleg) og það gengur auðvitað ekki að við séum að flytja inn í stórum stíl pestargemlinga frá öðrum heimshlutum.

Ég legg til að fyrsta þjóðin sem við neitum að taka á móti verði Danir. Þetta er allt gálúsugt þarna í Skandinavíu. Það er m.a.s. hættulegt fyrir Íslendinga að fara þangað, það get ég sjálf vottað um því bæði systir mín sjúkrunarkonan og hennar fjölskylda hefur lent í lúsinni og eins Helga föðursystir strákanna minna og hennar synir en þau voru einnig búsett í Danmörku. Þetta eru 10 manns svo af þessum dæmum má sjá að við erum ekkert að tala um einangrað tilfelli, þetta er bara plága sem við viljum ekki að komi hingað og mengi okkar heilbrigðu dýraflóru. Reyndar er stór spurning hvort ætti ekki að banna brottfluttum Íslendingum að koma til landsins í fríum því það er aldrei að vita nema þeir beri með sér stökkbreytt afbrigði af lús. Allavega væri lágmark að þeir yrðu settir í sóttkví áður en þeim yrði hleypt út á meðal heilbrigðra Íslendinga.

Því segi ég það. Lúsin er nú bara eitt af þeim vandamálum sem fylgja okkar gömlu óvinum, Dönum. Hversvegna má ekki ræða það og taka upp þá frjálslyndisstefnu sem gæti haldið þessu lúsuga liði utan landssteinanna?